ലൗ എഫ് എം
ലൗ എഫ് എം മനോരമ മാക്സിലൂടെ ഒടിടി റിലീസായി രണ്ട് തലമുറകളുടെ പ്രണയകഥയുമായി അപ്പാനി ശരത്ത്
'ലൗ എഫ് എം' മനോരമ മാക്സിലൂടെ ഒടിടി റിലീസായി; രണ്ട് തലമുറകളുടെ പ്രണയകഥയുമായി അപ്പാനി ശരത്ത്
കൊച്ചി: രണ്ട് തലമുറകളുടെ പ്രണയവും റേഡിയോ കാലഘട്ടത്തിലെ ഗൃഹാതുരത്വവും പ്രമേയമാക്കി ഒരുക്കിയ 'ലൗ എഫ് എം' ഒടിടി പ്ലാറ്റ്ഫോമായ മനോരമ മാക്സിലൂടെ പുറത്തിറങ്ങി. ബെന്സി പ്രൊഡക്ഷന്സിന്റെ ബാനറില് കെ.വി. അബ്ദുൾ നാസര് നിര്മ്മിച്ച് നവാഗതനായ ശ്രീദേവ് കപ്പൂര് ആണ് ചിത്രം സംവിധാനം ചെയ്തിരിക്കുന്നത്.
അപ്പാനി ശരത്ത് കേന്ദ്രകഥാപാത്രത്തെ അവതരിപ്പിക്കുന്ന ചിത്രത്തിൽ ടിറ്റോ വില്സണ്, സിനോജ് അങ്കമാലി, ജിനോ ജോണ്, വിജിലേഷ്, നിര്മ്മല് പാലാഴി എന്നിവരും പ്രധാന വേഷങ്ങളിൽ എത്തുന്നു. ഒരു കാലഘട്ടത്തിൽ മലയാളികളുടെ വികാരമായിരുന്ന റേഡിയോയെ ചുറ്റിപ്പറ്റിയുള്ള പ്രണയവും വിരഹവും സന്തോഷങ്ങളുമാണ് ചിത്രം പറയുന്നത്. സാധാരണ പ്രണയചിത്രങ്ങളിൽ നിന്നും വ്യത്യസ്തമായി രണ്ട് കാലഘട്ടങ്ങളെ മനോഹരമായി ഇതിൽ ആവിഷ്കരിച്ചിട്ടുണ്ട്.
ജാനകി കൃഷ്ണന്, മാളവിക മേനോന്, അഞ്ജു (M80 മൂസ ഫെയിം) എന്നിവരാണ് നായികമാർ. സിനില് സൈനുദ്ദീന് വില്ലൻ വേഷം കൈകാര്യം ചെയ്യുന്നു. മാമുക്കോയ, ദേവൻ, മണികണ്ഠൻ പട്ടാമ്പി തുടങ്ങി വൻ താരനിര തന്നെ ചിത്രത്തിൽ അണിനിരക്കുന്നുണ്ട്. അന്തരിച്ച സംഗീത സംവിധായകൻ കൈതപ്രം വിശ്വനാഥൻ ഉൾപ്പെടെയുള്ളവർ സംഗീതം നിർവ്വഹിച്ച അഞ്ച് ഗാനങ്ങളാണ് ചിത്രത്തിലുള്ളത്. ഗോപി സുന്ദറാണ് പശ്ചാത്തല സംഗീതം ഒരുക്കിയിരിക്കുന്നത്.
സാജു കൊടിയൻ, പി. ജിംഷാർ എന്നിവർ ചേർന്ന് തിരക്കഥയെഴുതിയ ചിത്രത്തിന്റെ ഛായാഗ്രഹണം സന്തോഷ് അനിമയും എഡിറ്റിങ് ലിജോ പോളും നിർവ്വഹിച്ചിരിക്കുന്നു
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
