മാനിറച്ചിയുമായി നാലുപേർ പിടിയിൽ
മാനിറച്ചിയുമായി കോൺഗ്രസ് നേതാവ് ഉൾപ്പെടെ നാലുപേർ വനപാലകരുടെ പിടിയിൽ
Angel Varghese
102
മാനിറച്ചിയുമായി കോൺഗ്രസ് നേതാവ് ഉൾപ്പെടെ നാലുപേർ വനപാലകരുടെ പിടിയിൽ
വയനാട്: വയനാട് ഇരുളം ഫോറസ്റ്റ് സ്റ്റേഷൻ പരിധിയിൽ മാനിറച്ചിയുമായി കോൺഗ്രസ് നേതാവ് ഉൾപ്പെടെ നാലുപേരെ വനംവകുപ്പ് ഉദ്യോഗസ്ഥർ പിടികൂടി. പുൽപ്പള്ളി ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി റെജി പുളിക്കുനെൽ, പുൽപ്പള്ളി സഹകരണ ബാങ്ക് വൈസ് പ്രസിഡന്റ് എൽദോസ്, ബിജു പാറക്കൽ, സിബി പി.എസ് എന്നിവരാണ് പിടിയിലായത്.
രഹസ്യ വിവരത്തെത്തുടർന്ന് വനംവകുപ്പ് നടത്തിയ പരിശോധനയിലാണ് പ്രതികൾ വലയിലായത്. ഇവരിൽ നിന്ന് മാനിറച്ചിയും വേട്ടയാടാൻ ഉപയോഗിച്ച ഉപകരണങ്ങളും കണ്ടെടുത്തതായാണ് സൂചന. വന്യജീവി സംരക്ഷണ നിയമപ്രകാരം പ്രതികൾക്കെതിരെ കേസെടുത്തു. പിടിയിലായവരെ കോടതിയിൽ ഹാജരാക്കാനുള്ള നടപടികൾ വനംവകുപ്പ് ആരംഭിച്ചു. രാഷ്ട്രീയ രംഗത്തുള്ളവർ വന്യജീവി വേട്ടയിൽ പിടിയിലായത് വലിയ ചർച്ചകൾക്ക് വഴിവെച്ചിട്ടുണ്ട്.
