പുത്തൻ ലുക്കിൽ പാപ്പനും സംഘവും ആട് 3
പുത്തൻ ലുക്കിൽ പാപ്പനും സംഘവും ആട് 3 ക്യാരക്ടർ പോസ്റ്ററുകൾ പുറത്തിറങ്ങി മലയാള സിനിമയിലെ എക്കാലത്തെയും വലിയ കൾട്ട് കോമഡി ചിത്രങ്ങളിലൊന്നായ ആട് 3
Vazhoor Jose 
പുത്തൻ ലുക്കിൽ പാപ്പനും സംഘവും; 'ആട് 3' ക്യാരക്ടർ പോസ്റ്ററുകൾ പുറത്തിറങ്ങി
കൊച്ചി: മലയാള സിനിമയിലെ എക്കാലത്തെയും വലിയ കൾട്ട് കോമഡി ചിത്രങ്ങളിലൊന്നായ 'ആട്' ഫ്രാഞ്ചൈസിയിലെ മൂന്നാം ഭാഗമായ 'ആട് 3'യുടെ ആവേശകരമായ ക്യാരക്ടർ പോസ്റ്ററുകൾ പുറത്തുവിട്ടു. ഷാജി പാപ്പനും കൂട്ടരും തികച്ചും വ്യത്യസ്തമായ ഗെറ്റപ്പിലാണ് മൂന്നാം ഭാഗത്തിൽ എത്തുന്നത് എന്ന സൂചനയാണ് ജനുവരി 25-ന് പുറത്തുവിട്ട ഏഴ് പ്രധാന കഥാപാത്രങ്ങളുടെ പോസ്റ്ററുകൾ നൽകുന്നത്.
രാവിലെ 11 മണിക്ക് വിനായകൻ്റെ പോസ്റ്ററോടെ തുടങ്ങിയ റിലീസ് വൈകുന്നേരം 5 മണിക്ക് ജയസൂര്യ അവതരിപ്പിക്കുന്ന ഷാജി പാപ്പൻ്റെ പോസ്റ്ററോടെയാണ് സമാപിച്ചത്. ഇന്ദ്രൻസ്, ധർമ്മജൻ ബോൾഗാട്ടി, വിജയ് ബാബു, സൈജു കുറുപ്പ്, സണ്ണി വെയ്ൻ എന്നിവരുടെ വ്യത്യസ്തമായ പോസ്റ്ററുകളും ആരാധകർക്കിടയിൽ തരംഗമായിക്കഴിഞ്ഞു. മുൻഭാഗങ്ങളിൽ നിന്നും വ്യത്യസ്തമായി ഫാന്റസി-ഹ്യൂമർ ജോണറിലാണ് ഇക്കുറി മിഥുൻ മാനുവൽ തോമസ് ചിത്രം ഒരുക്കുന്നത്.
ഫ്രൈഡേ ഫിലിം ഹൗസും കാവ്യ ഫിലിം കമ്പനിയും ചേർന്ന് വിജയ് ബാബു, വേണു കുന്നപ്പള്ളി എന്നിവരുടെ നിർമ്മാണത്തിൽ ഒരുങ്ങുന്ന ചിത്രം വൻ ബജറ്റിലാണ് നിർമ്മിക്കുന്നത്. അജു വർഗീസ്, സ്രിന്ധ, രൺജി പണിക്കർ തുടങ്ങി വൻ താരനിര തന്നെ ചിത്രത്തിൽ അണിനിരക്കുന്നുണ്ട്. മലമ്പുഴ, ചിറ്റൂർ, തിരുച്ചെന്തൂർ തുടങ്ങിയ സ്ഥലങ്ങളിലായി ചിത്രീകരണം പൂർത്തിയായ സിനിമ നിലവിൽ പോസ്റ്റ് പ്രൊഡക്ഷൻ ഘട്ടത്തിലാണ്. ഷാൻ റഹ്മാനാണ് സംഗീതം.
