ഗംഭീരലുക്കില്‍ അരുൺ വിജയ് രെട്ട തല ഫസ്റ്റ് ലുക്ക് ലുക്ക് പുറത്ത്

ഗംഭീരലുക്കില്‍ അരുൺ വിജയ്  'രെട്ട തല' ഫസ്റ്റ് ലുക്ക് പുറത്ത്, ചിത്രം ഈ മാസം 25 ന് തിയേറ്ററുകളിൽ

​ ആക്ഷൻ ഹീറോ അരുൺ വിജയ്യുടെ ഏറ്റവും പുതിയ തമിഴ് ചിത്രം 'രെട്ട തല' ലോകമെമ്പാടുമുള്ള പ്രേക്ഷകരിലേക്ക് എത്തുന്നു. ഗംഭീര ആക്ഷൻ കഥാപാത്രങ്ങളിലൂടെ ശ്രദ്ധേയനായ അരുൺ വിജയെ നായകനാക്കി ശ്രദ്ധേയനായ സംവിധായകൻ ക്രിസ് തിരുകുമാരൻ ഒരുക്കുന്ന ഈ ചിത്രം ഈ മാസം 25 ന് തിയേറ്ററുകളിൽ റിലീസ് ചെയ്യും.

​ചിത്രത്തിന്‍റെ അടിമുടി ദുരൂഹതകൾ നിറഞ്ഞ ഫസ്റ്റ് ലുക്ക് പോസ്റ്റർ അണിയറപ്രവർത്തകർ പുറത്തുവിട്ടു. പൂർണ്ണ നഗ്നതയോടെ ഇരട്ട വേഷത്തിൽ കാണുന്ന കഥാപാത്രമാണ് പോസ്റ്ററിലെ ഹൈലൈറ്റ്. മണിക്കൂറുകൾക്കകം പോസ്റ്റർ സോഷ്യൽ മീഡിയയിൽ തരംഗമായിരിക്കുകയാണ്.

​അരുൺ വിജയുടെ പതിവ് ആക്ഷൻ ചിത്രങ്ങളിൽ നിന്നെല്ലാം ഏറെ വ്യത്യസ്തമാണ് 'രെട്ട തല'യെന്ന് അണിയറപ്രവർത്തകർ പറയുന്നു. മലയാള പ്രേക്ഷകർ ഉൾപ്പെടെ നിരവധി ആരാധകരുള്ള അരുൺ വിജയിയുടെ ഈ ചിത്രത്തിൽ യുവ നടി സിദ്ധി ഇദ്നാനിയാണ് നായികയായെത്തുന്നത്. ബോബി ബാലചന്ദ്രനാണ് ചിത്രം നിർമ്മിക്കുന്നത്. ചിത്രത്തിൻ്റെ കൂടുതൽ വിശദാംശങ്ങൾ ഉടൻ പുറത്തുവിടുമെന്ന് അണിയറപ്രവർത്തകർ അറിയിച്ചു.

​തെന്നിന്ത്യൻ ചലച്ചിത്രലോകത്തെ പ്രഗത്ഭരാണ് 'രെട്ട തല'യുടെ അണിയറയിൽ പ്രവർത്തിക്കുന്നത്.

​സംവിധാനം: ക്രിസ് തിരുകുമാരൻ

​ഡി.ഒ.പി: ടിജോ ടോമി

​എഡിറ്റർ: ആൻ്റണി

​ആർട്ട്: അരുൺശങ്കർ ദുരൈ

​ആക്ഷൻ: പി.സി. സ്റ്റഡ്ൻസ്

​നിർമ്മാണം: ബോബി ബാലചന്ദ്രൻ

​ചിത്രം സ്ട്രൈറ്റ് ലൈൻ സിനിമാസ് - രാജശ്രീ ഫിലിംസ് എന്നിവരാണ് വിതരണം ചെയ്യുന്നത്.