നിയമസഭാ തിരഞ്ഞെടുപ്പ് 2026
നിയമസഭാ തിരഞ്ഞെടുപ്പ് 2026 വോട്ടിംഗ് യന്ത്രങ്ങളുടെ ആദ്യഘട്ട പരിശോധന കാക്കനാട് ആരംഭിച്ചു
അനില എം കൃഷ്ണൻ 
നിയമസഭാ തിരഞ്ഞെടുപ്പ് 2026: വോട്ടിംഗ് യന്ത്രങ്ങളുടെ ആദ്യഘട്ട പരിശോധന കാക്കനാട് ആരംഭിച്ചു
കൊച്ചി: 2026-ലെ നിയമസഭാ തിരഞ്ഞെടുപ്പിന് മുന്നോടിയായുള്ള ഇലക്ട്രോണിക് വോട്ടിംഗ് യന്ത്രങ്ങളുടെയും (EVM) വിവിപാറ്റുകളുടെയും (VVPAT) ആദ്യഘട്ട പരിശോധന (FLC) എറണാകുളത്ത് ആരംഭിച്ചു. കാക്കനാട് സിവിൽ സ്റ്റേഷൻ വളപ്പിലെ വെയർഹൗസിലാണ് പരിശോധന നടക്കുന്നത്.
ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കളക്ടർ ജി. പ്രിയങ്കയുടെ നേരിട്ടുള്ള മേൽനോട്ടത്തിലാണ് നടപടികൾ പുരോഗമിക്കുന്നത്. വോട്ടിംഗ് യന്ത്രങ്ങളുടെ നിർമ്മാതാക്കളായ ഭാരത് ഇലക്ട്രോണിക്സ് ലിമിറ്റഡിലെ (BEL) അംഗീകൃത എഞ്ചിനീയർമാരാണ് യന്ത്രങ്ങൾ പരിശോധിച്ച് പ്രവർത്തനക്ഷമത ഉറപ്പുവരുത്തുന്നത്.
ഇലക്ഷൻ കമ്മീഷൻ ഓഫ് ഇന്ത്യയുടെ പ്രതിനിധികളും മുഖ്യ തിരഞ്ഞെടുപ്പ് ഉദ്യോഗസ്ഥനും പരിശോധനാ നടപടികൾ നേരിട്ട് വിലയിരുത്തുന്നുണ്ട്. സുതാര്യത ഉറപ്പാക്കുന്നതിനായി അംഗീകൃത രാഷ്ട്രീയ പാർട്ടികളുടെ പ്രതിനിധികളുടെ സാന്നിധ്യത്തിലാണ് പരിശോധന നടക്കുന്നത്. കശുവണ്ടി സുരക്ഷാ മാനദണ്ഡങ്ങൾ പാലിച്ച് പോലീസ് കാവലിലാണ് വെയർഹൗസിലെ പ്രവർത്തനങ്ങൾ ക്രമീകരിച്ചിരിക്കുന്നത്.
