സർക്കാരിനെതിരേ സിനിമാ സംഘടനകളുടെ സമരം
സർക്കാരിനെതിരേ സിനിമാ സംഘടനകളുടെ സമരം 21-ന് സംസ്ഥാന വ്യാപകമായി സൂചന സമരം
അനില എം കൃഷ്ണൻ 
സർക്കാരിനെതിരേ സിനിമാ സംഘടനകളുടെ സമരം; 21-ന് സംസ്ഥാന വ്യാപകമായി സൂചന സമരം
കൊച്ചി: വിവിധ ആവശ്യങ്ങൾ ഉന്നയിച്ച് സംസ്ഥാന സർക്കാരിനെതിരേ സമരം കടുപ്പിക്കാനൊരുങ്ങി സിനിമാ സംഘടനകൾ. ഇതിന്റെ ഭാഗമായി ഈ മാസം 21-ന് സംസ്ഥാന വ്യാപകമായി സൂചന സമരം നടത്തുമെന്ന് എ എം എം എ (A.M.M.A), പ്രൊഡ്യൂസേഴ്സ് അസോസിയേഷൻ, ഫിലിം ചേമ്പർ എന്നിവരടങ്ങുന്ന സംയുക്ത സംഘടനകൾ അറിയിച്ചു.
സമരത്തിന്റെ ഭാഗമായി അന്നേ ദിവസം സംസ്ഥാനത്തെ എല്ലാ സിനിമാ ചിത്രീകരണങ്ങളും നിർത്തിവെക്കുകയും തീയേറ്ററുകൾ അടച്ചിടുകയും ചെയ്യും. ജി.എസ്.ടി നിലവിൽ വന്നതിന് ശേഷവും തുടരുന്ന തദ്ദേശ സ്ഥാപനങ്ങളുടെ വിനോദസഞ്ചാര നികുതി (Entertainment Tax) പൂർണ്ണമായും ഒഴിവാക്കണമെന്നതാണ് സംഘടനകളുടെ പ്രധാന ആവശ്യം. ജി.എസ്.ടിക്ക് പുറമെ തദ്ദേശ നികുതി കൂടി ഈടാക്കുന്നത് ഇരട്ട നികുതിയാണെന്നും ഇത് സിനിമാ മേഖലയ്ക്ക് താങ്ങാനാവാത്ത സാമ്പത്തിക ഭാരമാണ് വരുത്തിവെക്കുന്നതെന്നും സംഘടനകൾ ചൂണ്ടിക്കാട്ടുന്നു.
സർക്കാർ സംഘടിപ്പിച്ച സിനിമാ കോൺക്ലേവ് വെറും പ്രഹസനമായിരുന്നുവെന്നും സിനിമാ മേഖല നേരിടുന്ന യഥാർത്ഥ പ്രതിസന്ധികൾ കേൾക്കാൻ സർക്കാർ തയ്യാറാകുന്നില്ലെന്നും ഭാരവാഹികൾ വിമർശിച്ചു. 21-ലെ സൂചന പണിമുടക്കിന് ശേഷവും അനുകൂലമായ നടപടി ഉണ്ടായില്ലെങ്കിൽ അനിശ്ചിതകാല സമരത്തിലേക്ക് നീങ്ങാനാണ് സംഘടനകളുടെ തീരുമാനം.
