ഐൻസ്റ്റീനും ന്യൂട്ടനും നഗരത്തിലിറങ്ങി ലിറ്റ്‌മസ് 26 പ്രചാരണവുമായി എസ്സെൻസ് ഗ്ലോബൽ

എസ്സെൻസ് ഗ്ലോബൽ സംഘടിപ്പിക്കുന്ന അന്താരാഷ്ട്ര സയൻസ് ആൻഡ് ഫ്രീ തിങ്കിംഗ് കോൺഫറൻസ് ‘ലിറ്റ്‌മസ് 26’ ന്റെ ഭാഗമായി തിരുവനന്തപുരം നഗരത്തിൽ ‘സിറ്റി സയന്റിസ്റ്റ്’ പ്രചാരണ ക്യാമ്പയിന് തുടക്കമായി.

Angel Varghese

Oct 14, 2026 - 05:47

ഐൻസ്റ്റീനും ന്യൂട്ടനും നഗരത്തിലിറങ്ങി ലിറ്റ്‌മസ് 26 പ്രചാരണവുമായി എസ്സെൻസ് ഗ്ലോബൽ

ഐൻസ്റ്റീനും ന്യൂട്ടനും നഗരവീഥികളിൽ; തിരുവനന്തപുരത്ത് ലിറ്റ്‌മസ് 26 പ്രചാരണവുമായി 'സിറ്റി സയന്റിസ്റ്റ്'

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

ഐൻസ്റ്റീനും ന്യൂട്ടനും തെരുവിൽ; 'സിറ്റി സയന്റിസ്റ്റ്' പ്രചാരണവുമായി ലിറ്റ്‌മസ് 26

തിരുവനന്തപുരം: നഗരവീഥികളിൽ ആളുകളോട് സംസാരിച്ചും വഴിചോദിച്ചും നടന്നുപോകുന്ന അൽബർട്ട് ഐൻസ്റ്റീനും ഐസക് ന്യൂട്ടനും നിക്കോള ടെസ്‌ലയും! തലസ്ഥാന നഗരിക്ക് കൗതുകക്കാഴ്ചയായി എസ്സെൻസ് ഗ്ലോബലിന്റെ ‘സിറ്റി സയന്റിസ്റ്റ്’ പ്രചാരണ ക്യാമ്പയിൻ.

അന്താരാഷ്ട്ര സയൻസ് ആൻഡ് ഫ്രീ തിങ്കിംഗ് കോൺഫറൻസായ ‘ലിറ്റ്‌മസ് 26’-ന്റെ പ്രചാരണത്തിന്റെ ഭാഗമായാണ് വേറിട്ട രീതിയിലുള്ള ഈ ക്യാമ്പയിൻ സംഘടിപ്പിച്ചത്. ഒക്ടോബർ 20-ന് തിരുവനന്തപുരം നിഷാഗന്ധി ഓഡിറ്റോറിയത്തിലാണ് ലിറ്റ്‌മസ് 26 നടക്കുന്നത്.

തമ്പാന്നൂർ ബസ് സ്റ്റാൻഡ്, റെയിൽവേ സ്റ്റേഷൻ, കിഴക്കേക്കോട്ട, പാളയം, മ്യൂസിയം, മാനവീയം വീഥി തുടങ്ങിയ നഗരത്തിലെ പ്രധാന കേന്ദ്രങ്ങളിലായിരുന്നു പ്രചാരണം. ശാസ്ത്രജ്ഞരുടെ വേഷവിധാനങ്ങളായ ഗ്രാൻഡ് കോട്ടും ഹാറ്റും കണ്ണടയും വടിയുമണിഞ്ഞെത്തിയ സംഘം പൊതുജനങ്ങളുമായി സംവദിക്കുകയും ശാസ്ത്രവിഷയങ്ങൾ ചർച്ച ചെയ്യുകയും ചെയ്തു.

നിശാഗന്ധി ഓഡിറ്റോറിയത്തിലേക്കുള്ള വഴി ചോദിച്ചും പരിപാടിയുടെ ലഘുലേഖകളും നോട്ടീസുകളും വിതരണം ചെയ്തുമായിരുന്നു സംഘത്തിന്റെ മുന്നേറ്റം. വഴിപോക്കരിൽ പലരും ഈ കൗതുകക്കാഴ്ചകൾ മൊബൈൽ ഫോണുകളിൽ പകർത്തി സമൂഹമാധ്യമങ്ങളിൽ പങ്കുവെച്ചതോടെ ക്യാമ്പയിൻ ഇൻ്റർനെറ്റിലും തരംഗമായി.

ശാസ്ത്രബോധവും യുക്തിചിന്തയും സ്വതന്ത്രചിന്തയും പൊതുസമൂഹത്തിലേക്ക് എത്തിക്കുകയാണ് ഈ പ്രചാരണത്തിലൂടെ ലക്ഷ്യമിടുന്നതെന്ന് എസ്സെൻസ് ഗ്ലോബൽ ഭാരവാഹികൾ വ്യക്തമാക്കി. വരും ദിവസങ്ങളിൽ തിരുവനന്തപുരം കോർപ്പറേഷൻ പരിധിയിലെ കൂടുതൽ കേന്ദ്രങ്ങളിൽ ‘സിറ്റി സയന്റിസ്റ്റ്’ പ്രചാരണം തുടരുമെന്നും സംഘാടകർ അറിയിച്ചു.