റമദാൻ വ്രതാരംഭം വ്യാഴാഴ്ച സംസ്ഥാനത്ത് എവിടെയും മാസപ്പിറവി ദൃശ്യമായില്ല
കേരളത്തിൽ റമദാൻ വ്രതാരംഭം വ്യാഴാഴ്ച മുതൽ. സംസ്ഥാനത്ത് വടക്കൻ കേരളത്തിലോ തെക്കൻ കേരളത്തിലോ എവിടെയും മാസപ്പിറവി ദൃശ്യമാകാത്ത സാഹചര്യത്തിലാണ് വ്യാഴാഴ്ച നോമ്പ് ആരംഭിക്കാൻ മതപണ്ഡിതർ തീരുമാനമെടുത്തത്
Angel Varghese 
തിരുവനന്തപുരം: കേരളത്തിൽ റമദാൻ വ്രതാരംഭം വ്യാഴാഴ്ച മുതൽ. സംസ്ഥാനത്ത് വടക്കൻ കേരളത്തിലോ തെക്കൻ കേരളത്തിലോ എവിടെയും മാസപ്പിറവി ദൃശ്യമാകാത്ത സാഹചര്യത്തിലാണ് വ്യാഴാഴ്ച നോമ്പ് ആരംഭിക്കാൻ മതപണ്ഡിതർ തീരുമാനമെടുത്തത്.
മാസപ്പിറവി കാണാത്ത സാഹചര്യത്തിൽ ബുധനാഴ്ച ശഅബാൻ 30 പൂർത്തിയാക്കി വ്യാഴാഴ്ച റമദാൻ ഒന്നായിരിക്കുമെന്ന് തിരുവനന്തപുരം പാളയം ഇമാം ഡോ. വി.പി. സുഹൈബ് മൗലവി അറിയിച്ചു. കോഴിക്കോട് മുഖ്യ ഖാസിമാരും മാസപ്പിറവി ദൃശ്യമാകാത്തതിനാൽ വ്യാഴാഴ്ച വ്രതാരംഭം ആയിരിക്കുമെന്ന് സ്ഥിരീകരിച്ചിട്ടുണ്ട്.
ഇതോടെ വിശ്വാസികൾ നാളെ (ബുധൻ) അവസാനത്തെ ശഅബാൻ നോമ്പ് പൂർത്തിയാക്കി വ്യാഴാഴ്ച പുലർച്ചെ വ്രതശുദ്ധിയുടെ നാളുകളിലേക്ക് കടക്കും. പള്ളികളിൽ ഇന്ന് രാത്രി തറാവീഹ് നമസ്കാരം ഉണ്ടാകില്ല. നാളെ രാത്രി മുതലായിരിക്കും തറാവീഹ് നമസ്കാരങ്ങൾക്ക് തുടക്കമാകുക
