ശബരിമല കന്നിമാസ പൂജ വെർച്വൽ ക്യൂ, മുറി ബുക്കിങ് ആരംഭിച്ചു നട തുറക്കുന്നത് സെപ്റ്റംബർ 16 ന്
ശബരിമലയിലെ കന്നിമാസ പൂജകൾക്കായി വെർച്വൽ ക്യൂ ബുക്കിങ്ങും സന്നിധാനത്തെ റൂം ബുക്കിങ്ങും ആരംഭിച്ചു. ദർശനത്തിനായി www.sabarimalaonline.org എന്ന വെബ്സൈറ്റിലൂടെ സ്ലോട്ടുകൾ മുൻകൂട്ടി ബുക്ക് ചെയ്യാം.
Angel Varghese 
ശബരിമല കന്നിമാസ പൂജ: വെർച്വൽ ക്യൂ, മുറി ബുക്കിങ് ആരംഭിച്ചു
ശബരിമല: കന്നിമാസ പൂജകൾക്കായി ശബരിമല സന്നിധാനത്ത് നട തുറക്കാനിരിക്കെ ഭക്തർക്കുള്ള ഓൺലൈൻ വെർച്വൽ ക്യൂ ബുക്കിങ് ആരംഭിച്ചു. www.sabarimalaonline.org എന്ന ഔദ്യോഗിക വെബ്സൈറ്റ് വഴിയാണ് ദർശനത്തിനായുള്ള ബുക്കിങ് നടത്തേണ്ടത്. സെപ്റ്റംബർ 16-നാണ് കന്നിമാസ പൂജകളുടെ ഭാഗമായി നട തുറക്കുന്നത്.
ശബരിമലയിൽ ദർശനം നടത്താൻ ആഗ്രഹിക്കുന്ന എല്ലാ തീർത്ഥാടകരും വെബ്സൈറ്റ് വഴി മുൻകൂട്ടി സ്ലോട്ടുകൾ ഉറപ്പാക്കണമെന്ന് തിരുവിതാംകൂർ ദേവസ്വം ബോർഡ് അറിയിച്ചു.
സന്നിധാനത്ത് താമസ സൗകര്യം ആവശ്യമുള്ള ഭക്തർക്കായി മുറികളുടെ ബുക്കിങ്ങും ആരംഭിച്ചിട്ടുണ്ട്. www.onlinetdb.com എന്ന വെബ്സൈറ്റ് മുഖേന തിരുവിതാംകൂർ ദേവസ്വം ബോർഡിന് കീഴിലെ വിവിധ ഗസ്റ്റ് ഹൗസുകളിലും പിൽഗ്രിം സെന്ററുകളിലും മുറികൾ ബുക്ക് ചെയ്യാം.
