എഎസ്ഐ വാടകവീട്ടിൽ ജീവനൊടുക്കി
സാമ്പത്തിക ബാധ്യതയെത്തുടർന്ന് പോലീസ് ഉദ്യോഗസ്ഥൻ വാടകവീട്ടിൽ തൂങ്ങിമരിച്ചു. അഞ്ചുതെങ്ങ് പോലീസ് സ്റ്റേഷനിലെ എഎസ്ഐ
Angel Varghese 
കടബാധ്യതയെത്തുടർന്ന് എഎസ്ഐ വാടകവീട്ടിൽ ജീവനൊടുക്കി
വർക്കല: സാമ്പത്തിക ബാധ്യതയെത്തുടർന്ന് പോലീസ് ഉദ്യോഗസ്ഥൻ വാടകവീട്ടിൽ തൂങ്ങിമരിച്ചു. അഞ്ചുതെങ്ങ് പോലീസ് സ്റ്റേഷനിലെ എഎസ്ഐയും വർക്കല ഇലകമൺ ഹരിഹരപുരം സ്വദേശിയുമായ ഷിബുമോൻ (49) ആണ് മരിച്ചത്. ഇന്ന് പുലർച്ചെ വർക്കലയിലെ വാടകവീട്ടിലെ കിടപ്പുമുറിയിലാണ് ഇദ്ദേഹത്തെ മരിച്ച നിലയിൽ കണ്ടെത്തിയത്.
കഴിഞ്ഞ രണ്ട് വർഷമായി അഞ്ചുതെങ്ങ് സ്റ്റേഷനിൽ സേവനമനുഷ്ഠിച്ചു വരികയായിരുന്നു. കുടുംബത്തോടൊപ്പം വാടകവീട്ടിലായിരുന്നു ഷിബുമോൻ താമസം. സ്വന്തമായി വീട് പണിയുന്നതുമായി ബന്ധപ്പെട്ട് ഇദ്ദേഹത്തിന് കടുത്ത സാമ്പത്തിക ബാധ്യതകൾ ഉണ്ടായിരുന്നതായി പറയപ്പെടുന്നു. ഇതാകാം ജീവനൊടുക്കാൻ കാരണമെന്നാണ് പ്രാഥമിക നിഗമനം.
മൃതദേഹം നിലവിൽ പാരിപ്പള്ളി മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഇൻക്വസ്റ്റ് നടപടികൾക്കും പോസ്റ്റുമോർട്ടത്തിനും ശേഷം മൃതദേഹം ബന്ധുക്കൾക്ക് വിട്ടുനൽകും.
