പെരുമ്പാവൂരിൽ എൽദോസ് കുന്നപ്പിള്ളിക്ക് സീറ്റില്ല; പകരം ഉല്ലാസ് തോമസോ മനോജ് മൂത്തേടമോ
യുവതി നൽകിയ പരാതിയിൽ പോലീസ് കേസെടുത്തത് തിരിച്ചടിയാവുന്നു; പെരുമ്പാവൂർ എംഎൽഎ എൽദോസ് കുന്നപ്പിള്ളിക്ക് ഇത്തവണ സീറ്റ് നൽകേണ്ടതില്ലെന്ന് ഹൈക്കമാൻഡ് തീരുമാനം. ക്രിമിനൽ കേസുകൾ തിരഞ്ഞെടുപ്പിൽ പാർട്ടിയുടെ പ്രതിച്ഛായയെ ബാധിക്കുമെന്ന വിലയിരുത്തലിൽ ഉല്ലാസ് തോമസ്, മനോജ് മൂത്തേടം എന്നിവരെ മണ്ഡലത്തിലേക്ക് പരിഗണിക്കുന്നു
Angel Varghese 
പെരുമ്പാവൂരിൽ എൽദോസ് കുന്നപ്പിള്ളിക്ക് സീറ്റില്ല; പകരക്കാരെ തേടി ഹൈക്കമാൻഡ്
കൊച്ചി: വരാനിരിക്കുന്ന നിയമസഭാ തിരഞ്ഞെടുപ്പിൽ പെരുമ്പാവൂർ എംഎൽഎ എൽദോസ് കുന്നപ്പിള്ളിക്ക് സീറ്റ് നൽകേണ്ടതില്ലെന്ന് കോൺഗ്രസ് ഹൈക്കമാൻഡ് തീരുമാനിച്ചതായി സൂചന. എംഎൽഎയ്ക്കെതിരെയുള്ള ക്രിമിനൽ കേസുകളും വിവാദങ്ങളും തിരഞ്ഞെടുപ്പിൽ തിരിച്ചടിയായേക്കുമെന്ന വിലയിരുത്തലിനെ തുടർന്നാണ് ഈ നീക്കം.
യുവതി നൽകിയ പരാതിയിൽ പോലീസ് കേസെടുത്തതും നിലവിൽ നിയമനടപടികൾ നേരിടുന്നതും പാർട്ടിയുടെ പ്രതിച്ഛായയെ ബാധിക്കുമെന്ന് ഹൈക്കമാൻഡ് വിലയിരുത്തുന്നു. എൽദോസ് കുന്നപ്പിള്ളി ഉൾപ്പെട്ട കേസ് ഈ മാസം 26-ന് കോടതി പരിഗണിക്കുന്നുണ്ട്. ഈ സാഹചര്യത്തിൽ അദ്ദേഹത്തിന്റെ പേര് സ്ഥാനാർത്ഥി പട്ടികയിൽ ഉൾപ്പെടുത്തേണ്ടതില്ലെന്നാണ് പാർട്ടിയുടെ പ്രാഥമിക നിലപാട്.
എൽദോസിന് പകരം ഉല്ലാസ് തോമസ്, മനോജ് മൂത്തേടം എന്നിവരുടെ പേരുകളാണ് ഹൈക്കമാൻഡിന്റെ സജീവ പരിഗണനയിലുള്ളത്. മണ്ഡലത്തിലെ സ്വാധീനവും വിവാദങ്ങളില്ലാത്ത പ്രതിച്ഛായയുമാണ് ഇവരെ പരിഗണിക്കാൻ കാരണം. സ്ഥാനാർത്ഥി നിർണ്ണയം സംബന്ധിച്ച ഔദ്യോഗിക പ്രഖ്യാപനം വൈകാതെയുണ്ടാകും
