കെ കെ ശ്രീകാന്തിന്റെ പൊതുപര്യടനം സമാപിച്ചു

മൂവാറ്റുപുഴയിൽ എൽ.ഡി.എഫ്. സ്ഥാനാർത്ഥി കെ.കെ. ശ്രീകാന്തിന്റെ പൊതുപര്യടനം സമാപിച്ചു മൂവാറ്റുപുഴ ജില്ലാ പഞ്ചായത്ത് വാളകം ഡിവിഷൻ എൽ.ഡി.എഫ്. സ്ഥാനാർത്ഥിയാണ്

നെൽസൺ പനയ്ക്കൽ

Dec 7, 2025 - 06:59 Updated: Dec 7, 2025 - 07:01

കെ കെ ശ്രീകാന്തിന്റെ പൊതുപര്യടനം സമാപിച്ചു

മൂവാറ്റുപുഴയിൽ എൽ.ഡി.എഫ്. സ്ഥാനാർത്ഥി കെ.കെ. ശ്രീകാന്തിന്റെ പൊതുപര്യടനം സമാപിച്ചു

മൂവാറ്റുപുഴ: ജില്ലാ പഞ്ചായത്ത് വാളകം ഡിവിഷൻ എൽ.ഡി.എഫ്. സ്ഥാനാർത്ഥി കെ.കെ. ശ്രീകാന്തിന്റെ പൊതുപര്യടനം ആവേശോജ്വലമായി സമാപിച്ചു. ജന്മനാടായ പായിപ്ര പഞ്ചായത്തിലെ തൃക്കളത്തൂർ തോട്ടുപുറംപടിയിൽ നിന്നും ആരംഭിച്ച പര്യടനം ഇന്നലെ രാത്രിയോടെയാണ് അവസാനിച്ചത്.

സി.പി.ഐ. ജില്ലാ സെക്രട്ടറി എൻ. അരുൺ പര്യടനം ഉദ്ഘാടനം ചെയ്തു. തൃക്കളത്തൂർ, മുടവൂർ, പുന്നോപ്പടി, പേഴക്കാപ്പിള്ളി തുടങ്ങിയ വിവിധ സ്ഥലങ്ങളിൽ ശ്രീകാന്തിന് ഊഷ്മളമായ സ്വീകരണം ലഭിച്ചു. പേഴക്കാപ്പിള്ളിയിൽ വെച്ച് വാഴക്കുല നൽകി സ്ഥാനാർത്ഥിയെ സ്വീകരിക്കുന്ന ചിത്രം ശ്രദ്ധേയമായി.

പര്യടനം പായിപ്ര കവലയിലാണ് സമാപിച്ചത്. ബ്ലോക്ക് പഞ്ചായത്ത് തൃക്കളത്തൂർ ഡിവിഷൻ സ്ഥാനാർത്ഥി ഇ.എ. ഹരിദാസ്, ഗ്രാമപഞ്ചായത്ത് വാർഡുകളിലെ സ്ഥാനാർത്ഥികൾ, എൽ.ഡി.എഫ്. നേതാക്കൾ എന്നിവർ വിവിധ സ്വീകരണ കേന്ദ്രങ്ങളിൽ സംസാരിച്ചു. ഇന്ന് പായിപ്ര കവലയിൽ നടക്കുന്ന കൊട്ടിക്കലാശത്തിൽ കെ.കെ. ശ്രീകാന്ത് പങ്കെടുക്കും.