കേരള സ്റ്റീൽ ടെക് എക്സ്പോയ്ക്ക് നാളെ കൊച്ചിയിൽ തുടക്കം
കേരള സ്റ്റീൽ ടെക് എക്സ്പോയ്ക്ക് നാളെ കൊച്ചിയിൽ തുടക്കം മന്ത്രി പി. രാജീവ് ഉദ്ഘാടനം ചെയ്യും
P R Sumeran 
കേരള സ്റ്റീൽ ടെക് എക്സ്പോയ്ക്ക് നാളെ കൊച്ചിയിൽ തുടക്കം; മന്ത്രി പി. രാജീവ് ഉദ്ഘാടനം ചെയ്യും
കൊച്ചി: കേരളത്തിന്റെ നിർമ്മാണ മേഖലയ്ക്ക് പുതിയ ഉണർവ് നൽകിക്കൊണ്ട് കേരള സ്റ്റീൽ ട്രേഡേഴ്സ് അസോസിയേഷൻ സംഘടിപ്പിക്കുന്ന 'കേരള സ്റ്റീൽ ടെക് എക്സ്പോ 2026' നാളെ കൊച്ചിയിൽ ആരംഭിക്കും. മറൈൻ ഡ്രൈവ് ഹെലിപാഡ് ഗ്രൗണ്ടിൽ രാവിലെ 10:30-ന് വ്യവസായ മന്ത്രി പി. രാജീവ് എക്സ്പോയുടെ ഉദ്ഘാടനം നിർവ്വഹിക്കും.
മൂന്ന് ദിവസങ്ങളിലായി നടക്കുന്ന പ്രദർശനത്തിൽ ലോകോത്തര ബ്രാൻഡുകൾ മുതൽ പ്രാദേശിക നിർമ്മാതാക്കൾ വരെ അണിനിരക്കുന്ന 85-ലധികം സ്റ്റാളുകൾ ഉണ്ടായിരിക്കും. സ്റ്റീൽ വ്യാപാര മേഖലയിലെ നൂതന സാങ്കേതികവിദ്യകളും ഉൽപ്പന്നങ്ങളും പരിചയപ്പെടുത്തുക എന്നതാണ് എക്സ്പോയുടെ പ്രധാന ലക്ഷ്യം.
നിർമ്മാണ മേഖലയിലെ സംരംഭകർക്കും പൊതുജനങ്ങൾക്കും ഒരുപോലെ പ്രയോജനപ്പെടുന്ന രീതിയിലാണ് പ്രദർശനം ക്രമീകരിച്ചിരിക്കുന്നത്. രാവിലെ 11 മണി മുതൽ രാത്രി 8 മണി വരെയാണ് സന്ദർശന സമയം. അസോസിയേഷൻ ഭാരവാഹികളായ കെ.എം. മുഹമ്മദ് സഗീർ (പ്രസിഡന്റ്), സി.കെ. സിബി (ജനറൽ സെക്രട്ടറി), ജിതേഷ് ആർ. ഷേണായ് (ട്രഷറർ) എന്നിവർ വാർത്താസമ്മേളനത്തിൽ അറിയിച്ചു.
