സോഷ്യൽ മീഡിയയിലെ ദൃശ്യങ്ങൾ വിനയായി
സോഷ്യൽ മീഡിയയിലെ ദൃശ്യങ്ങൾ വിനയായി കോഴിക്കോട് സ്വദേശിയായ യുവാവ് ജീവനൊടുക്കി
Angel Varghese 
സോഷ്യൽ മീഡിയയിലെ ദൃശ്യങ്ങൾ വിനയായി; കോഴിക്കോട് സ്വദേശിയായ യുവാവ് ജീവനൊടുക്കി
കോഴിക്കോട്: ബസിനുള്ളിലെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിച്ചതിന് പിന്നാലെ യുവാവ് ജീവനൊടുക്കി. കോഴിക്കോട് ഗോവിന്ദപുരം സ്വദേശി ദീപക് (32) ആണ് മരിച്ചത്. ശനിയാഴ്ച വൈകുന്നേരത്തോടെ വീട്ടിനുള്ളിലാണ് ദീപക്കിനെ മരിച്ച നിലയിൽ കണ്ടെത്തിയത്. സോഷ്യൽ മീഡിയ വഴിയുള്ള കടുത്ത സൈബർ ആക്രമണമാണ് മരണത്തിന് കാരണമെന്ന് കുടുംബം ആരോപിക്കുന്നു.
കഴിഞ്ഞ ദിവസം തിരക്കുള്ള സ്വകാര്യ ബസിനുള്ളിൽ വെച്ച് ദീപക് ഒരു യുവതിയോട് മോശമായി പെരുമാറിയെന്ന ആരോപണം ഉയർന്നിരുന്നു. സംഭവസമയത്ത് യുവതി മൊബൈലിൽ പകർത്തിയ ദൃശ്യങ്ങൾ സോഷ്യൽ മീഡിയയിൽ വൈറലായിരുന്നു. ഇതിന് പിന്നാലെ വലിയ രീതിയിലുള്ള അപമാനവും മാനസിക സമ്മർദ്ദവുമാണ് ദീപക് നേരിട്ടിരുന്നതെന്ന് ബന്ധുക്കൾ പറയുന്നു.
സംഭവത്തിൽ മെഡിക്കൽ കോളേജ് പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി മെഡിക്കൽ കോളേജ് മോർച്ചറിയിലേക്ക് മാറ്റി.
