മധുബാല- ഇന്ദ്രൻസ് ചിത്രം ചിന്ന ചിന്ന ആസൈ

മധുബാല- ഇന്ദ്രൻസ് ചിത്രം ചിന്ന ചിന്ന ആസൈ യുടെ സെക്കന്റ് ലുക്ക് പോസ്റ്റർ പുറത്തിറക്കി മഞ്ജു വാര്യർ വർഷാ വാസുദേവിന്റെ സംവിധാനത്തിൽ

Sabari

Dec 6, 2025 - 17:57 Updated: Dec 6, 2025 - 18:07

മധുബാല- ഇന്ദ്രൻസ് ചിത്രം ചിന്ന ചിന്ന ആസൈ

മധുബാല- ഇന്ദ്രൻസ് ചിത്രം ചിന്ന ചിന്ന ആസൈ യുടെ സെക്കന്റ് ലുക്ക് പോസ്റ്റർ പുറത്തിറക്കി മഞ്ജു വാര്യർ

വർഷാ വാസുദേവിന്റെ സംവിധാനത്തിൽ മധുബാലയും ഇന്ദ്രൻസും കേന്ദ്രകഥാപാത്രങ്ങളാകുന്ന "ചിന്ന ചിന്ന ആസൈ"യുടെ സെക്കന്റ് ലുക്ക് പോസ്റ്റർ പുറത്തിറക്കി. പ്രശസ്ത നടി മഞ്ജു വാര്യർ തന്റെ ഔദ്യോഗിക സോഷ്യൽ മീഡിയ പേജിലൂടെയാണ് പോസ്റ്റർ റിലീസ് ചെയ്തത്.

'എന്റെ നാരായണിക്ക്' എന്ന ഹ്രസ്വചിത്രത്തിലൂടെ ശ്രദ്ധ നേടിയ സംവിധായിക വർഷാ വാസുദേവ് തന്നെയാണ് ഈ ചിത്രത്തിന്റെയും രചന നിർവഹിച്ചിരിക്കുന്നത്. ഒരു നീണ്ട ഇടവേളയ്ക്ക് ശേഷം ശക്തമായ കേന്ദ്ര കഥാപാത്രത്തിലൂടെ മധുബാല മലയാള സിനിമയിലേക്ക് തിരിച്ചെത്തുന്നു എന്ന പ്രത്യേകതയും ചിത്രത്തിനുണ്ട്. മധുബാലയ്‌ക്കൊപ്പം, വേറിട്ട അഭിനയ മുഹൂർത്തങ്ങളിലൂടെ ഇന്ദ്രൻസും പ്രേക്ഷകരുടെ മനസ്സിൽ ഇടം നേടുമെന്നാണ് അണിയറപ്രവർത്തകരുടെ പ്രതീക്ഷ.

ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ചിത്രത്തിന്റെ നിർമ്മാണം. ഗോവിന്ദ് വസന്തയുടെ ഹൃദയസ്പർശിയായ സംഗീതമാണ് ചിത്രത്തിന്റെ മറ്റൊരു ആകർഷണം. മുൻപ് ചിത്രത്തിന്റെ ഫസ്റ്റ് ലുക്ക് പോസ്റ്റർ തമിഴ് സംവിധായകൻ മണിരത്നം പുറത്തുവിട്ടിരുന്നു.

പൂർണ്ണമായും വാരണാസിയിൽ ചിത്രീകരണം പൂർത്തിയാക്കിയ ഈ ചിത്രം 2026-ന്റെ തുടക്കത്തിൽ തീയേറ്ററുകളിൽ എത്തുമെന്നാണ് റിപ്പോർട്ട്.

അണിയറപ്രവർത്തകർ:

ഛായാഗ്രഹണം: ഫയിസ് സിദ്ധിക്ക്

സംഗീതം: ഗോവിന്ദ് വസന്ത

എഡിറ്റർ: റെക്ക്സൺ ജോസഫ്

പ്രൊഡക്ഷൻ കൺട്രോളർ: പ്രശാന്ത് നാരായൺ

ആർട്ട് ഡയറക്റ്റർ: സാബു മോഹൻ

വസ്ത്രാലങ്കാരം: സമീറാ സനീഷ്

മേക്കപ്പ്: രഞ്ജിത്ത് അമ്പാടി

സൗണ്ട് ഡിസൈനർ: രംഗനാഥ് രവി

കൊറിയോഗ്രാഫർ: ബ്രിന്ദാ

ചീഫ് അസ്സോസിയേറ്റ് ഡയറക്ടർ: നവനീത് കൃഷ്ണ