ഷറഫുദീൻ ചിത്രം മധുവിധു മെയ് 1 ന് റിലീസ് ചെയ്യും കല്യാണി പണിക്കർ നായികയാകുന്നു.
ഷറഫുദീൻ, കല്യാണി പണിക്കർ എന്നിവർ പ്രധാന വേഷങ്ങളിലെത്തുന്ന മധുവിധു മെയ് 1 ന് റിലീസ് ചെയ്യും. അജിത് വിനായക ഫിലിംസ് നിർമ്മിക്കുന്ന ഈ ചിത്രത്തിന്റെ വിശേഷങ്ങൾ വായിക്കാം.
Sabari
22
ഷറഫുദീൻ ചിത്രം 'മധുവിധു' മെയ് ഒന്നിന് തിയേറ്ററുകളിലേക്ക്; നായികയായി ബിന്ദു പണിക്കരുടെ മകൾ കല്യാണി
കൊച്ചി: പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ഷറഫുദീൻ ചിത്രം "മധുവിധു"വിന്റെ റിലീസ് തീയതി പ്രഖ്യാപിച്ചു. അജിത് വിനായക ഫിലിംസിന്റെ ബാനറിൽ വിനായക അജിത് നിർമ്മിക്കുന്ന ചിത്രം 2026 മെയ് 1-ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തും. വിഷ്ണു അരവിന്ദ് സംവിധാനം ചെയ്യുന്ന ഈ ചിത്രത്തിലൂടെ പ്രശസ്ത നടി ബിന്ദു പണിക്കരുടെ മകൾ കല്യാണി പണിക്കർ നായികയായി അരങ്ങേറ്റം കുറിക്കുന്നു എന്ന പ്രത്യേകതയും ഈ ചിത്രത്തിനുണ്ട്.
ബാബുവേട്ടൻ പ്രൊഡക്ഷൻസിന്റെ ബാനറിൽ ശാന്തകുമാർ, മാളവിക കൃഷ്ണദാസ് എന്നിവരാണ് സഹനിർമ്മാണം. ജഗദീഷ്, അസീസ് നെടുമങ്ങാട്, സായ്കുമാർ, ശ്രീജയ, അമൽ ജോസ്, സഞ്ജു മധു തുടങ്ങിയ വലിയ താരനിര തന്നെ ചിത്രത്തിൽ അണിനിരക്കുന്നുണ്ട്.
'ഷൈലോക്ക്', 'മധുര മനോഹര മോഹം' തുടങ്ങിയ ഹിറ്റുകൾക്ക് ശേഷം ബിബിൻ മോഹൻ, ജയ് വിഷ്ണു എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ആദ്യാവസാനം ചിരി പടർത്തുന്ന ഒരു ഫാമിലി എന്റർടെയ്നർ ആയിരിക്കും 'മധുവിധു' എന്ന് അണിയറപ്രവർത്തകർ സൂചിപ്പിക്കുന്നു. ഹിഷാം അബ്ദുൾ വഹാബാണ് ചിത്രത്തിന് സംഗീതം പകരുന്നത്.
