സുഖമാണോ സുഖമാണ് ഫെബ്രുവരി 13ന് തിയേറ്ററുകളിലേക്ക്
മാത്യു തോമസും ദേവിക സഞ്ജയും ഒന്നിക്കുന്നു സുഖമാണോ സുഖമാണ് ഫെബ്രുവരി 13ന് തിയേറ്ററുകളിലേക്ക്
Pratheesh Sekhar 
മാത്യു തോമസും ദേവിക സഞ്ജയും ഒന്നിക്കുന്നു; 'സുഖമാണോ സുഖമാണ്' ഫെബ്രുവരി 13ന് തിയേറ്ററുകളിലേക്ക്
കൊച്ചി: യുവതാരങ്ങളായ മാത്യു തോമസും ദേവിക സഞ്ജയും ആദ്യമായി ഒന്നിക്കുന്ന 'സുഖമാണോ സുഖമാണ്' എന്ന ചിത്രം ഫെബ്രുവരി 13ന് പ്രദർശനത്തിനെത്തുന്നു. അരുൺ ലാൽ രാമചന്ദ്രൻ രചനയും സംവിധാനവും നിർവഹിക്കുന്ന ചിത്രം ലൂസിഫർ സർക്കസിന്റെ ബാനറിൽ ഗൗരവ് ചനാനയാണ് നിർമ്മിക്കുന്നത്.
ജഗദീഷ്, സ്ഫടികം ജോർജ്, കുടശ്ശനാട് കനകം, നോബി മാർക്കോസ്, അഖിൽ കവലയൂർ, മണിക്കുട്ടൻ തുടങ്ങിയ വൻ താരനിര തന്നെ ചിത്രത്തിൽ അണിനിരക്കുന്നുണ്ട്. ഡ്രീം ബിഗ് ഫിലിംസാണ് ചിത്രം കേരളത്തിൽ വിതരണത്തിനെത്തിക്കുന്നത്. ടോബിൻ തോമസ് ക്യാമറയും അപ്പു ഭട്ടതിരി എഡിറ്റിംഗും നിർവഹിക്കുന്നു. നിപിൻ ബെസെന്റാണ് ചിത്രത്തിന് സംഗീതം പകരുന്നത്. പ്രണയത്തിനും കുടുംബബന്ധങ്ങൾക്കും പ്രാധാന്യം നൽകുന്ന ഒരു ഫീൽ ഗുഡ് ചിത്രമായിരിക്കും ഇതെന്നാണ് സൂചന.
