സപ്ലൈകോയ്ക്ക് റെക്കോർഡ് നേട്ടം

സപ്ലൈകോയ്ക്ക് റെക്കോർഡ് നേട്ടം ക്രിസ്മസ് പുതുവത്സര വിപണിയിൽ 82 കോടിയുടെ വിറ്റുവരവ്

അനില എം കൃഷ്ണൻ

Jan 2, 2026 - 17:25 Updated: Jan 2, 2026 - 17:26

152

സപ്ലൈകോയ്ക്ക് റെക്കോർഡ് നേട്ടം

സപ്ലൈകോയ്ക്ക് റെക്കോർഡ് നേട്ടം: ക്രിസ്മസ്-പുതുവത്സര വിപണിയിൽ 82 കോടിയുടെ വിറ്റുവരവ്

കൊച്ചി: ക്രിസ്മസ്-പുതുവത്സര വിപണിയിൽ വൻ മുന്നേറ്റവുമായി സപ്ലൈകോ. പത്തു ദിവസം നീണ്ടുനിന്ന ഉത്സവകാല വിൽപ്പനയിലൂടെ 82 കോടി രൂപയുടെ വിറ്റുവരവാണ് സപ്ലൈകോ നേടിയത്. ഇതിൽ 36.06 കോടി രൂപ സബ്സിഡി സാധനങ്ങളുടെ വിറ്റുവരവിലൂടെയാണ് ലഭിച്ചത്.

ഡിസംബർ 22 മുതൽ ജനുവരി ഒന്നു വരെയുള്ള കാലയളവിലെ കണക്കാണിത് (ഡിസംബർ 25 അവധിയായിരുന്നു). പെട്രോൾ പമ്പുകൾ, റീട്ടെയിൽ ഔട്ട്‌ലെറ്റുകൾ, വിവിധ ജില്ലകളിൽ സംഘടിപ്പിച്ച പ്രത്യേക ഫെയറുകൾ എന്നിവയിൽ നിന്നുള്ള മൊത്തം വരുമാനമാണിത്. തിരുവനന്തപുരം, കൊല്ലം, കോട്ടയം, പത്തനംതിട്ട, എറണാകുളം, തൃശൂർ എന്നീ ആറ് ജില്ലകളിലാണ് പ്രത്യേക ക്രിസ്മസ് ഫെയറുകൾ സപ്ലൈകോ സംഘടിപ്പിച്ചിരുന്നത്.

ഫെയറുകൾക്ക് മികച്ച പ്രതികരണം

പ്രത്യേക ഫെയറുകളിൽ നിന്ന് മാത്രം 74 ലക്ഷം രൂപയുടെ വരുമാനം ലഭിച്ചു. ഇതിൽ 40.94 ലക്ഷം രൂപ സബ്സിഡി ഇനങ്ങൾക്കും 33.06 ലക്ഷം രൂപ സബ്സിഡി ഇതര ഇനങ്ങൾക്കുമാണ്. തിരുവനന്തപുരം പുത്തരിക്കണ്ടം മൈതാനത്തെ പ്രത്യേക ഫെയറിലായിരുന്നു ഏറ്റവും കൂടുതൽ വിറ്റുവരവ്. 29.31 ലക്ഷം രൂപയാണ് ഇവിടെ നിന്ന് സപ്ലൈകോ നേടിയത്. ഇതിൽ 16.19 ലക്ഷം രൂപയും സബ്സിഡി സാധനങ്ങളുടെ വിറ്റുവരവാണ്