തഞ്ചാവൂരിൽ വിജയ്യുടെ ടിവികെ റാലിക്കിടെ അപകടം 6 പേർക്ക് പരിക്ക് ഒരാളുടെ നില ഗുരുതരം
നടനും ടിവികെ നേതാവുമായ വിജയ് നയിച്ച റാലിക്കിടെ തഞ്ചാവൂരിൽ വെച്ച് ഇരുചക്ര വാഹനങ്ങൾ കൂട്ടിയിടിച്ച് ആറുപേർക്ക് പരിക്കേറ്റു. ഒരാളുടെ നില ഗുരുതരമാണ്
Angel Varghese 
തഞ്ചാവൂരിൽ വിജയ്യുടെ റാലിക്കിടെ അപകടം: രണ്ട് സ്ത്രീകൾ ഉൾപ്പെടെ ആറുപേർക്ക് പരിക്ക്; ഒരാളുടെ നില ഗുരുതരം
തഞ്ചാവൂർ: തമിഴക വെട്രി കഴകം (TVK) നേതാവും നടനുമായ വിജയ് നടത്തിയ റാലിക്കിടെയുണ്ടായ അപകടത്തിൽ ആറുപേർക്ക് പരിക്ക്. പരിക്കേറ്റവരിൽ രണ്ട് സ്ത്രീകളും ഉൾപ്പെടുന്നു. ഇവരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. പരിക്കേറ്റവരിൽ ഒരാളുടെ നില അതീവ ഗുരുതരമാണെന്നാണ് റിപ്പോർട്ടുകൾ സൂചിപ്പിക്കുന്നത്.
വിജയ് സഞ്ചരിച്ചിരുന്ന വാഹനത്തെ പ്രവർത്തകർ ഇരുചക്ര വാഹനങ്ങളിൽ പിന്തുടരുന്നതിനിടെയാണ് അപകടമുണ്ടായത്. മുന്നിലുണ്ടായിരുന്ന വാഹനത്തെ സ്കൂട്ടർ ഇടിക്കുകയും നിയന്ത്രണം വിട്ട് മറിയുകയുമായിരുന്നു. റോഡിൽ വീണ പ്രവർത്തകർക്ക് പിന്നാലെ വന്ന മറ്റ് വാഹനങ്ങൾ ഇടിച്ചാണ് പരിക്ക് ഗുരുതരമായതെന്നാണ് പ്രാഥമിക വിവരം. അപകടത്തിന്റെ നടുക്കുന്ന ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
തിരക്കേറിയ പാതയിലൂടെ അമിതവേഗതയിൽ വാഹനങ്ങൾ പിന്തുടർന്നതാണ് അപകടത്തിന് കാരണമായതെന്ന് ദൃക്സാക്ഷികൾ പറയുന്നു. സംഭവത്തെത്തുടർന്ന് പ്രദേശത്ത് വൻ പോലീസ് സന്നാഹം ക്യാമ്പ് ചെയ്യുന്നുണ്ട്.
