വയനാട് പുനരധിവാസം ആദ്യഘട്ടത്തിൽ 178 കുടുംബങ്ങൾക്ക്
വയനാട് പുനരധിവാസം കൽപ്പറ്റ ടൗൺഷിപ്പിലെ ആദ്യഘട്ടത്തിൽ 178 വീടുകൾ നറുക്കെടുപ്പിലൂടെ ഗുണഭോക്താക്കൾക്ക് കൈമാറുമെന്ന് റവന്യൂ മന്ത്രി ഒ.ആർ. കേളു അറിയിച്ചു.
Angel Varghese 
വയനാട് പുനരധിവാസം: കൽപ്പറ്റ ടൗൺഷിപ്പിലെ വീടുകൾ നറുക്കെടുപ്പിലൂടെ നൽകും; ആദ്യഘട്ടത്തിൽ 178 കുടുംബങ്ങൾക്ക് കൈമാറ്റം
കൽപ്പറ്റ: ചൂരൽമല – മുണ്ടക്കൈ ഉരുൾപൊട്ടൽ ദുരന്തത്തിൽ വീട് നഷ്ടപ്പെട്ടവർക്കായി കൽപ്പറ്റയിൽ ഒരുങ്ങുന്ന മാതൃകാ ടൗൺഷിപ്പിലെ വീടുകൾ നറുക്കെടുപ്പിലൂടെ ഗുണഭോക്താക്കൾക്ക് കൈമാറുമെന്ന് റവന്യൂ മന്ത്രി ഒ.ആർ. കേളു അറിയിച്ചു. കൽപ്പറ്റയിൽ നടന്ന സർവകക്ഷി യോഗത്തിന് ശേഷമാണ് മന്ത്രി ഇക്കാര്യം വ്യക്തമാക്കിയത്.
ആദ്യഘട്ടത്തിൽ പൂർത്തിയായ 178 വീടുകളാണ് അർഹരായ കുടുംബങ്ങൾക്ക് നൽകുക. സുതാര്യത ഉറപ്പുവരുത്തുന്നതിനായി ഗുണഭോക്താക്കൾക്ക് തന്നെ നറുക്കെടുപ്പിലൂടെ തങ്ങളുടെ വീട് തിരഞ്ഞെടുക്കാനുള്ള അവസരം നൽകും. ദുരന്തത്തിൽ എല്ലാം നഷ്ടപ്പെട്ട കുടുംബങ്ങൾക്കായിരിക്കും വിതരണത്തിൽ മുൻഗണന നൽകുകയെന്നും മന്ത്രി പറഞ്ഞു.
കേവലം ഒരു താമസസ്ഥലം എന്നതിലുപരി, ആധുനിക സൗകര്യങ്ങളോടു കൂടിയ മികച്ച ജീവിതസാഹചര്യം ഉറപ്പാക്കുന്ന ലോകോത്തര നിലവാരത്തിലുള്ള ടൗൺഷിപ്പാണ് സർക്കാർ വിഭാവനം ചെയ്തിരിക്കുന്നത്. ടൗൺഷിപ്പിന്റെ ഔദ്യോഗിക ഉദ്ഘാടന തീയതി നാളെ മുഖ്യമന്ത്രിയുടെ അധ്യക്ഷതയിൽ ചേരുന്ന യോഗത്തിൽ തീരുമാനിക്കും. അതിജീവനത്തിന്റെ കാര്യത്തിൽ കേരളം ലോകത്തിന് മുൻപിൽ ഒരു മാതൃകയായി മാറുമെന്നും മന്ത്രി കൂട്ടിച്ചേർത്തു.
