ഷാജി പാപ്പനും സംഘവും വീണ്ടും ആവേശംനിറച്ച് ആട് 3 റിലീസ് മാർച്ച് 19 ന്
മിഥുൻ മാനുവൽ തോമസ് ജയസൂര്യ കൂട്ടുകെട്ടിൻ്റെ ആട് 3 റിലീസ് തീയതി പ്രഖ്യാപിച്ചു. മാർച്ച് 19 ന് ചിത്രം തിയേറ്ററുകളിലെത്തും. പുതിയ പോസ്റ്റർ വിശേഷങ്ങൾ വായിക്കാം.
Vazhoor Jose 
ഷാജി പാപ്പനും സംഘവും വീണ്ടും; ആവേശം നിറച്ച് 'ആട് 3' പുതിയ പോസ്റ്റർ, റിലീസ് മാർച്ച് 19-ന്!
കൊച്ചി: മലയാള സിനിമയിലെ എക്കാലത്തെയും പ്രിയപ്പെട്ട കോമഡി ഹീറോ ഷാജി പാപ്പനും സംഘവും മൂന്നാം വരവിനൊരുങ്ങുന്നു. മിഥുൻ മാനുവൽ തോമസ് രചനയും സംവിധാനവും നിർവ്വഹിക്കുന്ന 'ആട് 3' (Aadu 3) മാർച്ച് 19-ന് തിയേറ്ററുകളിലെത്തും. റംസാൻ ആഘോഷങ്ങളോടനുബന്ധിച്ചാണ് ചിത്രം റിലീസ് ചെയ്യുന്നത്. ആയുധങ്ങളുമായി രോഷാകുലരായി നിൽക്കുന്ന പാപ്പനെയും സംഘത്തെയും ഉൾപ്പെടുത്തിയുള്ള പുതിയ പോസ്റ്റർ സമൂഹമാധ്യമങ്ങളിൽ തരംഗമായിക്കഴിഞ്ഞു.
ഫാൻ്റസി, ഹ്യൂമർ, ആക്ഷൻ എന്നീ ജോണറുകളിലൊരുങ്ങുന്ന ചിത്രം വൻ മുതൽമുടക്കിലാണ് അണിയറയിൽ ഒരുങ്ങുന്നത്. ഫ്രൈഡേ ഫിലിം ഹൗസും കാവ്യ ഫിലിം കമ്പനിയും ചേർന്ന് വിജയ് ബാബു, വേണു കുന്നപ്പിള്ളി എന്നിവരാണ് ചിത്രം നിർമ്മിക്കുന്നത്.
ജയസൂര്യക്കൊപ്പം വിനായകൻ, സൈജു കുറുപ്പ്, സണ്ണി വെയ്ൻ, ധർമ്മജൻ ബോൾഗാട്ടി, ഇന്ദ്രൻസ് തുടങ്ങിയ വമ്പൻ താരനിരയ്ക്കൊപ്പം ഹോളിവുഡ് താരം ലാറയും ഈ ഭാഗത്തിൽ പ്രധാന വേഷത്തിലെത്തുന്നു എന്നത് ആരാധകരിൽ വലിയ ആകാംക്ഷയാണ് ഉണ്ടാക്കിയിരിക്കുന്നത്. ഷാൻ റഹ്മാനാണ് സംഗീതം. അഖിൽ ജോർജ് ഛായാഗ്രഹണവും ലിജോ പോൾ എഡിറ്റിംഗും നിർവ്വഹിക്കുന്നു.
