വാഴക്കുളം ബ്ലോക്കിന് ഓവറോൾ കിരീടം ജില്ലാ പഞ്ചായത്ത് കേരളോത്സവത്തിന് ആവേശകരമായ സമാപ്തി

വാഴക്കുളം ബ്ലോക്കിന് ഓവറോൾ കിരീടം ജില്ലാ പഞ്ചായത്ത് കേരളോത്സവത്തിന് ആവേശകരമായ സമാപ്തി അഞ്ചു ദിവസം നീണ്ടുനിന്ന ജില്ലാ പഞ്ചായത്ത് കേരളോത്സവം

അനില എം കൃഷ്ണൻ

Jan 30, 2026 - 18:06 Updated: Jan 30, 2026 - 18:06

122

വാഴക്കുളം ബ്ലോക്കിന് ഓവറോൾ കിരീടം ജില്ലാ പഞ്ചായത്ത് കേരളോത്സവത്തിന് ആവേശകരമായ സമാപ്തി

വാഴക്കുളം ബ്ലോക്കിന് ഓവറോൾ കിരീടം; ജില്ലാ പഞ്ചായത്ത് കേരളോത്സവത്തിന് ആവേശകരമായ സമാപ്തി

കൊച്ചി: അഞ്ചു ദിവസം നീണ്ടുനിന്ന ജില്ലാ പഞ്ചായത്ത് കേരളോത്സവത്തിന് ഉജ്ജ്വല സമാപനം. 165 പോയിന്റുകൾ നേടി വാഴക്കുളം ബ്ലോക്ക് ഓവറോൾ കിരീടം സ്വന്തമാക്കി. വാശിയേറിയ പോരാട്ടത്തിനൊടുവിൽ 159 പോയിന്റുകളുമായി മുളന്തുരുത്തി ബ്ലോക്ക് രണ്ടാം സ്ഥാനവും, 151 പോയിന്റുകൾ നേടിയ പാറക്കടവ് ബ്ലോക്ക് മൂന്നാം സ്ഥാനവും കരസ്ഥമാക്കി.

സമാപന സമ്മേളനത്തിന്റെ ഉദ്ഘാടനവും വിജയികൾക്കുള്ള സമ്മാനദാനവും ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ നിർവഹിച്ചു. ജില്ലാ പഞ്ചായത്ത് വൈസ് പ്രസിഡന്റ് സിൻഡ ജേക്കബ് ചടങ്ങിൽ അധ്യക്ഷത വഹിച്ചു.

കലാ-കായിക മത്സരങ്ങളിലെ ജേതാക്കൾ

കലാമത്സരങ്ങളിൽ പാറക്കടവ് ബ്ലോക്ക് (112 പോയിന്റ്) ഒന്നാം സ്ഥാനം നേടിയപ്പോൾ, ഇടപ്പള്ളി (106), വടവുകോട് (100) ബ്ലോക്കുകൾ യഥാക്രമം രണ്ട്, മൂന്ന് സ്ഥാനങ്ങൾ നേടി. കായിക വിഭാഗത്തിൽ 79 പോയിന്റുകളോടെ മുളന്തുരുത്തി ഒന്നാമതെത്തി. വൈപ്പിൻ (78), വാഴക്കുളം (67) എന്നിവരാണ് തൊട്ടുപിന്നിൽ.

മറ്റ് പ്രധാന മത്സരഫലങ്ങൾ:

20:20 ക്രിക്കറ്റ്: വടവുകോട് ബ്ലോക്ക് (ഒന്നാം സ്ഥാനം), ആലങ്ങാട് ബ്ലോക്ക് (രണ്ടാം സ്ഥാനം).

ബാസ്ക്കറ്റ് ബോൾ: അങ്കമാലി മുനിസിപ്പാലിറ്റി (ഒന്നാം സ്ഥാനം), അങ്കമാലി ബ്ലോക്ക് (രണ്ടാം സ്ഥാനം).

ഫുട്ബോൾ: പാറക്കടവ് ബ്ലോക്ക് (ഒന്നാം സ്ഥാനം), കൊച്ചിൻ കോർപ്പറേഷൻ (രണ്ടാം സ്ഥാനം).

വോളിബോൾ: ആലങ്ങാട് ബ്ലോക്ക് (ഒന്നാം സ്ഥാനം), വൈപ്പിൻ ബ്ലോക്ക് (രണ്ടാം സ്ഥാനം).

കബഡി: പറവൂർ ബ്ലോക്ക് (ഒന്നാം സ്ഥാനം), ഏലൂർ മുനിസിപ്പാലിറ്റി (രണ്ടാം സ്ഥാനം).

ചടങ്ങിൽ വാഴക്കുളം ബ്ലോക്ക് പഞ്ചായത്ത് പ്രസിഡന്റ് ലിസി സെബാസ്റ്റ്യൻ, സ്റ്റാൻഡിങ് കമ്മിറ്റി ചെയർമാൻ പി.എ. മുക്താർ, ജില്ലാ പഞ്ചായത്ത് അംഗങ്ങളായ അനിത തോമസ്, മേരി വിൻസെന്റ്, സെക്രട്ടറി പി.എം. ഷെഫീഖ് തുടങ്ങിയവർ പങ്കെടുത്തു.