ഡൽഹി കേരള ഹൗസിൽ വീഡിയോ സ്ട്രിംഗർമാരുടെ പാനൽ അപേക്ഷ ക്ഷണിച്ചു ജൂൺ 25 വരെ അപേക്ഷിക്കാം

ഇൻഫർമേഷൻ ആൻ്റ് പബ്ലിക് റിലേഷൻസ് വകുപ്പിൻ്റെ ന്യൂഡൽഹി ഇൻഫർമേഷൻ ഓഫീസിൽ വീഡിയോ സ്ട്രിംഗർമാരുടെ പാനൽ രൂപീകരിക്കുന്നു. യോഗ്യതയുള്ളവർക്ക് ജൂൺ 25 വരെ അപേക്ഷിക്കാം.

Angel Varghese

Jun 19, 2026 - 14:52

ഡൽഹി കേരള ഹൗസ്

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

📢 *ശ്രീ നന്ദ ജ്വല്ലറി വർക്സ് സൗത്ത് മാറാടി 9447329281*.

ഡൽഹി കേരള ഹൗസിൽ വീഡിയോ സ്ട്രിംഗർമാരുടെ പാനൽ രൂപീകരിക്കുന്നു; ജൂൺ 25 വരെ അപേക്ഷിക്കാം

ന്യൂഡൽഹി: ഇൻഫർമേഷൻ ആൻ്റ് പബ്ലിക് റിലേഷൻസ് വകുപ്പിൻ്റെ ന്യൂഡൽഹി ഇൻഫർമേഷൻ ഓഫീസിൽ കരാർ അടിസ്ഥാനത്തിൽ വീഡിയോ സ്ട്രിംഗർമാരുടെ പാനൽ രൂപീകരിക്കുന്നതിനായി അപേക്ഷ ക്ഷണിച്ചു. ഡൽഹിയിൽ സ്ഥിരതാമസക്കാരായ പ്രൊഫഷണലുകൾക്കാണ് അവസരം.

യോഗ്യതകളും മറ്റ് മാനദണ്ഡങ്ങളും:

വിദ്യാഭ്യാസ യോഗ്യത: പ്രീഡിഗ്രി അല്ലെങ്കിൽ പ്ലസ് ടു (അഭിലഷണീയം).

പ്രവൃത്തിപരിചയം: ദൃശ്യമാധ്യമ രംഗത്ത് കുറഞ്ഞത് ഒരു വർഷത്തെ പരിചയം ഉണ്ടായിരിക്കണം. ന്യൂസ് ക്ലിപ്പുകൾ ഷൂട്ട് ചെയ്ത്, എഡിറ്റ് ചെയ്ത്, വോയ്‌സ് ഓവർ നൽകി വാർത്തകളായി അവതരിപ്പിക്കുന്നതിൽ ഒരു വർഷത്തെ പരിചയം നിർബന്ധമാണ്.

മുൻഗണന: പി.ആർ.ഡി.യിലോ പ്രമുഖ ഇലക്ട്രോണിക് വാർത്താ മാധ്യമങ്ങളിലോ വീഡിയോഗ്രാഫി/വീഡിയോ എഡിറ്റിംഗ് രംഗത്ത് പ്രവൃത്തിപരിചയമുള്ളവർക്ക് മുൻഗണന ലഭിക്കും.

ആവശ്യമായ സാമഗ്രികൾ: സ്വന്തമായി ഫുൾ എച്ച്.ഡി. പ്രൊഫഷണൽ ക്യാമറ, പ്രൊഫഷണൽ എഡിറ്റിംഗ് സോഫ്റ്റ്‌വെയർ ഇൻസ്റ്റാൾ ചെയ്ത ലാപ്ടോപ്പ്, ഡ്രൈവിംഗ് ലൈസൻസ് എന്നിവ ഉണ്ടായിരിക്കണം.

ക്രിമിനൽ കേസുകളിൽ പെടുകയോ ശിക്ഷിക്കപ്പെടുകയോ ചെയ്തവരാകരുത്.

താല്പര്യമുള്ള ഉദ്യോഗാർത്ഥികൾ അപേക്ഷയോടൊപ്പം ഐഡൻ്റിറ്റി തെളിയിക്കുന്നതിനായി ഫോട്ടോ പതിച്ച ഏതെങ്കിലും ആധികാരിക രേഖയുടെ പകർപ്പും സമർപ്പിക്കേണ്ടതുണ്ട്. അപേക്ഷകളും അനുബന്ധ രേഖകളും ജൂൺ 25-ന് വൈകുന്നേരം 5 മണിക്ക് മുൻപായി ഡൽഹി കേരള ഹൗസിലെ ഇൻഫർമേഷൻ ഓഫീസിൽ എത്തിക്കണം.

കൂടുതൽ വിവരങ്ങൾക്ക് ബന്ധപ്പെടേണ്ട ഫോൺ നമ്പർ: 011-23360349