മുട്ടുചിറ കുരിശുംമൂട്ടിൽ കുടുംബയോഗം
മുട്ടുചിറ കുരിശുംമൂട്ടിൽ കുടുംബയോഗം വാർഷികം 26 ന്ബിഷപ്പ് മാർ ജേക്കബ് അങ്ങാടിയത്ത് ഉദ്ഘാടനം ചെയ്യും
നെൽസൺ പനയ്ക്കൽ 
മുട്ടുചിറ കുരിശുംമൂട്ടിൽ കുടുംബയോഗം വാർഷികം 26-ന്; ബിഷപ്പ് മാർ ജേക്കബ് അങ്ങാടിയത്ത് ഉദ്ഘാടനം ചെയ്യും
മുട്ടുചിറ: കുരിശുംമൂട്ടിൽ കുടുംബയോഗത്തിന്റെ വാർഷിക സമ്മേളനവും കുടുംബാംഗങ്ങളെ ആദരിക്കൽ ചടങ്ങും ഈ മാസം 26-ന് മുട്ടുചിറയിൽ നടക്കും. മുട്ടുചിറ ഹോളി ഗോസ്റ്റ് ഫൊറോന പള്ളി ഹാളിലാണ് സമ്മേളനം ക്രമീകരിച്ചിരിക്കുന്നത്.
രാവിലെ 10-ന് പള്ളിയിൽ നടക്കുന്ന ദിവ്യബലിയോടെ ചടങ്ങുകൾ ആരംഭിക്കും. തുടർന്ന് 11.15-ന് നടക്കുന്ന കുടുംബ സംഗമം ബിഷപ്പ് മാർ ജേക്കബ് അങ്ങാടിയത്ത് ഉദ്ഘാടനം ചെയ്യും. കുടുംബയോഗം പ്രസിഡന്റ് സാബു കുരിശുംമൂട്ടിൽ ചടങ്ങിൽ അധ്യക്ഷത വഹിക്കും.
ജോസ് കെ. മാണി എംപി, മോൻസ് ജോസഫ് എംഎൽഎ എന്നിവർ മുഖ്യാതിഥികളായി പങ്കെടുക്കും. ചടങ്ങിൽ ഡോ. സിസ്റ്റർ അനു കുരിശുംമൂട്ടിൽ മുഖ്യപ്രഭാഷണം നടത്തും. ഫാ. ചാണ്ടി അനുസ്മരണം ഫാ. സിബി കുരിശുംമൂട്ടിൽ നിർവഹിക്കും. പ്രൊഫ. ഡോ. കെ.എം. മാത്യു മംഗളപത്രം സമർപ്പിക്കും. കുടുംബത്തിലെ മുതിർന്ന അംഗങ്ങളെയും വിവിധ മേഖലകളിൽ മികവ് തെളിയിച്ചവരെയും ചടങ്ങിൽ ആദരിക്കും.
