റംസാൻ നിലാവ് സപ്ലൈകോയുടെ പ്രത്യേക റംസാൻ കിറ്റ് വെറും 786 രൂപയ്ക്ക് മാർച്ച് 20 വരെ ലഭിക്കും
റംസാൻ പ്രമാണിച്ച് 15 ഇനങ്ങളടങ്ങിയ റംസാൻ നിലാവ് കിറ്റ് സപ്ലൈകോ പുറത്തിറക്കി. 1,018 രൂപയുടെ സാധനങ്ങൾ 786 രൂപയ്ക്ക് ലഭ്യമാകും. മാർച്ച് 20 വരെയാണ് കാലാവധി
അനില എം കൃഷ്ണൻ 
റംസാൻ നിലാവ്: ആകർഷകമായ വിലക്കുറവിൽ സപ്ലൈകോ കിറ്റ് പുറത്തിറക്കി
കൊച്ചി: റംസാൻ വ്രതകാലത്ത് പൊതുജനങ്ങൾക്ക് ആശ്വാസമായി സപ്ലൈകോയുടെ പ്രത്യേക കിറ്റ് 'റംസാൻ നിലാവ്' വിപണിയിലേക്ക്. 1,018 രൂപ വിപണി വില വരുന്ന 15 ഇനങ്ങൾ ഉൾപ്പെട്ട കിറ്റ് വെറും 786 രൂപയ്ക്കാണ് സപ്ലൈകോ ലഭ്യമാക്കുന്നത്. നിത്യോപയോഗ സാധനങ്ങൾ മിതമായ നിരക്കിൽ ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് ഈ പദ്ധതി.
കിറ്റിലെ വിഭവങ്ങൾ:
ശബരി അപ്പം പൊടി (1 കിലോ), പുട്ടുപൊടി (1 കിലോ), റവ (1 കിലോ), പഞ്ചസാര (1 കിലോ), ശബരി ഗോൾഡ് ചായപ്പൊടി (250 ഗ്രാം) എന്നിവ കിറ്റിലുണ്ട്. കൂടാതെ മസാല ഇനങ്ങളായ ചിക്കൻ മസാല, മീറ്റ് മസാല, മല്ലിപ്പൊടി, മുളകുപൊടി, കാശ്മീരി മുളകുപൊടി, പെരുഞ്ചീരകം, ജീരകം (എല്ലാം 100 ഗ്രാം വീതം), കുരുമുളകുപൊടി (50 ഗ്രാം) എന്നിവയും ഉൾപ്പെടുത്തിയിട്ടുണ്ട്. സ്പെഷ്യൽ ഐറ്റങ്ങളായി ഏലക്കായ (20 ഗ്രാം), അണ്ടിപ്പരിപ്പ് (50 ഗ്രാം) എന്നിവയും കിറ്റിലുണ്ട്.
മാർച്ച് 20 വരെയാണ് ഈ പ്രത്യേക ഓഫർ ലഭ്യമാവുകയെന്ന് സപ്ലൈകോ അധികൃതർ അറിയിച്ചു. സംസ്ഥാനത്തുടനീളമുള്ള സപ്ലൈകോ ഔട്ട്ലെറ്റുകൾ വഴി പൊതുജനങ്ങൾക്ക് ഈ കിറ്റ് കൈപ്പറ്റാവുന്നതാണ്
