കാറിൽ ഒളിപ്പിച്ചു കടത്താൻ ശ്രമിച്ച 1.44 കോടി രൂപ പിടികൂടി മൂന്ന് പേർ കസ്റ്റഡിയിൽ

വയനാട് തിരുനെല്ലി പൊലീസ് സ്റ്റേഷൻ പരിധിയിലെ കാട്ടിക്കുളത്ത് രേഖകളില്ലാതെ കാറിന്റെ രഹസ്യ അറയിൽ കടത്താൻ ശ്രമിച്ച 1.44 കോടി രൂപ പൊലീസ് പിടികൂടി. സംഭവത്തിൽ മൂന്ന് പേർ കസ്റ്റഡിയിലായി.

Angel Varghese

Aug 31, 2026 - 20:43

കാറിൽ ഒളിപ്പിച്ചു കടത്താൻ ശ്രമിച്ച 1.44 കോടി രൂപ

കാട്ടിക്കുളത്ത് കാറിൽ ഒളിപ്പിച്ചു കടത്താൻ ശ്രമിച്ച 1.44 കോടി രൂപ പിടികൂടി; മൂന്ന് പേർ കസ്റ്റഡിയിൽ

മാനന്തവാടി: വയനാട് തിരുനെല്ലി പൊലീസ് സ്റ്റേഷൻ പരിധിയിലെ കാട്ടിക്കുളത്ത് രേഖകളില്ലാതെ കാറിൽ കടത്താൻ ശ്രമിച്ച 1.44 കോടി രൂപയുടെ കുഴൽപ്പണം പൊലീസ് പിടികൂടി. സംഭവവുമായി ബന്ധപ്പെട്ട് കാറിൽ യാത്ര ചെയ്തിരുന്ന മൂന്ന് പേരെ പൊലീസ് കസ്റ്റഡിയിലെടുത്തു.

വടകര അടക്കത്തെരുവ് അമീന കോട്ടേജിൽ പ്രഭുരാജ് (20), കണ്ണൂർ പാനൂർ ഭീമ നിവാസിൽ സ്വപ്നിൽ (23), മഹാരാഷ്ട്ര ഭൽവാണി സ്വദേശി രാഹുൽ (26) എന്നിവരാണ് പിടിയിലായത്.

കർണാടക രജിസ്ട്രേഷനിലുള്ള കാറിലാണ് ഇവർ തുക കടത്താൻ ശ്രമിച്ചത്. വാഹനത്തിന്റെ ഡ്രൈവർ സീറ്റിന്റെ അടിഭാഗത്ത് പ്രത്യേകം രൂപകൽപ്പന ചെയ്ത രഹസ്യ അറയിലാണ് നോട്ടുകെട്ടുകൾ ഒളിപ്പിച്ചിരുന്നത്. വാഹനം തടഞ്ഞു നിർത്തി നടത്തിയ പരിശോധനയിലാണ് പണം കണ്ടെടുത്തത്. പിടിച്ചെടുത്ത പണത്തിന് ആവശ്യമായ രേഖകൾ ഹാജരാക്കാൻ ഇവർക്ക് കഴിയാത്തതിനെ തുടർന്ന് പൊലീസ് തുടർ നിയമനടപടികൾ സ്വീകരിച്ചു.