വിപിൻ ആറ്റ്‌ലിയുടെ സ്റ്റീവ് ആൻഡ് പോളി ചിത്രീകരണം ആരംഭിച്ചു

വിപിൻ ആറ്റ്‌ലി സംവിധാനം ചെയ്യുന്ന പുതിയ ചിത്രം സ്റ്റീവ് ആൻഡ് പോളി യുടെ പൂജയും സ്വിച്ച് ഓൺ കർമ്മവും കൊച്ചിയിൽ നടന്നു. ആംഗ്ലോ ഇന്ത്യൻ പശ്ചാത്തലത്തിൽ ഒരുങ്ങുന്ന ഹ്യൂമർ വയലൻസ് ചിത്രത്തിന്റെ വിശേഷങ്ങൾ വായിക്കാം.

Vazhoor Jose

Sep 28, 2026 - 13:36

വിപിൻ ആറ്റ്‌ലിയുടെ സ്റ്റീവ് ആൻഡ് പോളി ചിത്രീകരണം ആരംഭിച്ചു

വിപിൻ ആറ്റ്‌ലി സംവിധാനം ചെയ്യുന്ന പുതിയ ചിത്രം 'സ്റ്റീവ് ആൻഡ് പോളി'യുടെ പൂജയും സ്വിച്ച് ഓൺ കർമ്മവും കൊച്ചിയിൽ നടന്നു.

📸 *ഫോട്ടോസോ - നിങ്ങൾ ഒരു studio ഉടമസ്ഥനാണാ ?*

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

♥️ *MYG - മൈജി ഓണം മാസ്സ് ഓണം (സീസൺ 4) മാസ് ഓഫറുകൾ വിലക്കുറവ് തുടരുന്നു*

വിപിൻ ആറ്റ്‌ലിയുടെ 'സ്റ്റീവ് ആൻഡ് പോളി' ആരംഭിച്ചു; കൊച്ചിയിലെ ആംഗ്ലോ ഇന്ത്യൻ പശ്ചാത്തലത്തിൽ ഒരുങ്ങുന്ന ക്ലീൻ എന്റർടൈനർ

കൊച്ചി: സംവിധായകൻ, തിരക്കഥാകൃത്ത്, അഭിനേതാവ് എന്നീ നിലകളിൽ ശ്രദ്ധേയനായ വിപിൻ ആറ്റ്‌ലി സംവിധാനം ചെയ്യുന്ന പുതിയ ചിത്രമായ 'സ്റ്റീവ് ആൻഡ് പോളി'ക്ക് തുടക്കമായി. സെപ്റ്റംബർ 28 തിങ്കളാഴ്ച കൊച്ചി ഇടപ്പള്ളി അഞ്ചുമന ദേവീക്ഷേത്രത്തിൽ വെച്ചുനടന്ന ചടങ്ങിൽ നടനും നിർമ്മാതാവുമായ വിജയ് ബാബു ചിത്രത്തിന്റെ സ്വിച്ച് ഓൺ കർമ്മം നിർവ്വഹിച്ചു. നിർമ്മാതാക്കളായ എൻ. എം. ബാദ്ഷ, മുസ്സമ്മിൽ തങ്ങൾ എന്നിവർ ചേർന്ന് ഫസ്റ്റ് ക്ലാപ്പ് നൽകി.

എപ്പിക് ഫിലിംസ് & എന്റർടൈൻമെന്റ് പ്രൈവറ്റ് ലിമിറ്റഡ്, എൻ. എ. മോഷൻ പിക്ചേഴ്‌സ് എന്നിവയുടെ ബാനറിൽ നരേഷ് കുമാർ ജെ., നസീർ അഹമ്മദ് എന്നിവർ ചേർന്നാണ് ചിത്രം നിർമ്മിക്കുന്നത്. ലിജു നടേരിയാണ് എക്‌സിക്യൂട്ടീവ് പ്രൊഡ്യൂസർ.

കൊച്ചിയിലെ ആംഗ്ലോ ഇന്ത്യൻ സമൂഹത്തിന്റെ ജീവിതവും ആചാരാനുഷ്ഠാനങ്ങളും പശ്ചാത്തലമാക്കുന്ന ഒരു ക്ലീൻ ഹ്യൂമർ-വയലൻസ് എന്റർടൈനറായാണ് ചിത്രം ഒരുങ്ങുന്നത്. ചിത്രത്തിലെ കേന്ദ്ര കഥാപാത്രങ്ങളായ സ്റ്റീവ്, പോളി എന്നിവരെ സാജിദ് യാഹിയയും പുതുമുഖം സിദ്ധാർത്ഥ് സത്യയുമാണ് അവതരിപ്പിക്കുന്നത്.

ഡ്രാക്കുള സുധീർ, ജൂഡ് ആന്റണി ജോസഫ്, മോസപ്പൻ, നിയാ ലൂക്ക്, മുൻസില, ശ്രയാ രാജീവ്, ജേക്കബ് ജോർജ് ജയിംസ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

അണിയറ പ്രവർത്തകർ:

സംഗീതം: മുഹമ്മദ് സത്താർജി

ഛായാഗ്രഹണം: ജോസഫ് സാനിയേൽ (നവാസ് ലെൻസ് മാൻ)

എഡിറ്റിംഗ്: എ. ആർ. ജിബീഷ്

കലാസംവിധാനം: കോയാസ്

മേക്കപ്പ്: മനോജ് അങ്കമാലി

കോസ്റ്റ്യൂം ഡിസൈൻ: അക്ഷയ അഖിൽ

ചീഫ് അസോസിയേറ്റ് ഡയറക്ടർ: ഉണ്ണി സി.

അസോസിയേറ്റ് ഡയറക്ടർ: രാജി ആർ. മേനോൻ

വി. എഫ്. എക്സ്: വിഷ്ണു മൂവി വെഞ്ചർ

ഒക്ടോബർ ആദ്യവാരത്തിൽ കൊച്ചിയിൽ ചിത്രീകരണം ആരംഭിക്കുന്ന സിനിമയുടെ മറ്റ് പ്രധാന ലൊക്കേഷനുകൾ പോണ്ടിച്ചേരി, ആലപ്പുഴ, മൂന്നാർ എന്നിവടങ്ങളാണ്.