കുടുംബബജറ്റ് കാക്കാൻ സപ്ലൈകോ മന്ത്രി അനൂപ് ജേക്കബ് 
വഴിയരികിൽ കിട്ടിയ പണം പോലീസ് സ്റ്റേഷനിലെത്തിച്ച കുരുന്നുകൾ മുതൽ സ്ക്രാപ്പ് വ്യാപാരി വരെ മാതൃകയായവർക്ക് പോലീസിന്റെ ആദരം 
സൈബർ കുറ്റകൃത്യങ്ങൾ തടയാൻ ക്ലിക്ക് ജനകീയ മുന്നേറ്റത്തിന് തുടക്കം ക്യാപ്റ്റനായി മമ്മൂട്ടി 
ചേരാനല്ലൂർ അപകടം ജയബാലകൃഷ്ണന്റെ കുടുംബത്തിന് നീതി ഉറപ്പാക്കുമെന്ന് രമേശ് ചെന്നിത്തല 
ദീപാവലി ആഘോഷമാക്കാൻ നയൻതാര മൂക്കുത്തി അമ്മൻ 2 മഹാശക്തി വഴിയരികിൽ കിട്ടിയ പണം പോലീസ് സ്റ്റേഷനിലെത്തിച്ച കുരുന്നുകൾ മുതൽ സ്ക്രാപ്പ് വ്യാപാരി വരെ മാതൃകയായവർക്ക് പോലീസിന്റെ ആദരം
കേരള പോലീസ് നടപ്പിലാക്കുന്ന അഭിനന്ദന ദിന ത്തിന്റെ ഭാഗമായി എറണാകുളം റൂറൽ ജില്ലാ പോലീസ് ആസ്ഥാനത്ത് നടന്ന ചടങ്ങിൽ മികച്ച സേവനം കാഴ്ചവെച്ച 74 പോലീസ് ഉദ്യോഗസ്ഥരെയും ജനപ്രതിനിധികളെയും പൊതുജനങ്ങളെയും ആദരിച്ചു.
Angel Varghese 
റൂറൽ ജില്ലാ പോലീസിന്റെ അഭിനന്ദനം: പോലീസുകാർക്കും പൊതുജനങ്ങൾക്കും ആദരം
ആലുവ: പോലീസ് ഉദ്യോഗസ്ഥരുടെയും പൊതുജനങ്ങളുടെയും മികച്ച പ്രവർത്തനങ്ങളെ അഭിനന്ദിച്ച് എറണാകുളം റൂറൽ ജില്ലാ പോലീസ്. കേരള പോലീസ് നടപ്പിലാക്കുന്ന "അഭിനന്ദന ദിന"ത്തിന്റെ ഭാഗമായി റൂറൽ ജില്ലാ പോലീസ് ആസ്ഥാനത്ത് സംഘടിപ്പിച്ച ചടങ്ങിലാണ് മികച്ച സേവനം നൽകിയവരെ ആദരിച്ചത്.
നഷ്ടപ്പെട്ടതും മോഷ്ടിക്കപ്പെട്ടതുമായ മൊബൈൽ ഫോണുകൾ കണ്ടെത്താനും, സ്ക്രാപ്പ് കടകളിൽ എത്തുന്ന സംശയാസ്പദമായ വസ്തുക്കളെക്കുറിച്ച് വിവരങ്ങൾ നൽകാനും പോലീസിനെ സഹായിച്ച പുല്ലുവഴി ആസ്ഥാനമായുള്ള ഇൻഡിപെൻഡന്റ് സ്ക്രാപ്പ് മെർച്ചന്റ് അസോസിയേഷൻ ജില്ലാ പ്രസിഡന്റ് പോൾസൺ, റോഡിൽ നിന്ന് ലഭിച്ച പണം സ്റ്റേഷനിൽ ഏൽപ്പിച്ച് മാതൃകയായ വരാപ്പുഴ സെന്റ് ജോസഫ്സ് സ്കൂളിലെ ഒമ്പതാം ക്ലാസ് വിദ്യാർത്ഥികളായ ആരോൺ, ലിയോൺ നെൽസൺ, പോലീസിന് കൃത്യമായ വിവരങ്ങൾ കൈമാറുന്ന കല്ലൂർക്കാട് തഴുവംകുന്ന് സ്വദേശി പോൾ വർഗീസ് എന്നിവരെ ചടങ്ങിൽ പ്രത്യേകമായി അഭിനന്ദിച്ചു.
കൂടാതെ എസ് സി/എസ് റ്റി മോണിറ്ററിംഗ് കമ്മിറ്റി അംഗങ്ങളായ റ്റി.കെ. ഉഷ, എ.സി. ചന്ദ്രൻ, സജീവ് കൈതവന, കെ.കെ. ശ്രീധരൻ എന്നിവരെയും മികച്ച അന്വേഷണത്തിനും സേവനത്തിനും ഡിവൈഎസ്പി ബൈജു പൗലോസ്, സിഐമാരായ പി.എം. ഷമീർ, കെ.ആർ. ബിജു ഉൾപ്പെടെ 74 പോലീസ് ഉദ്യോഗസ്ഥരെയും അഭിനന്ദിച്ചു. മിനിസ്റ്റീരിയൽ വിഭാഗത്തിലെ സീനിയർ ക്ലർക്കുമാരായ ജീപോൾ ആന്റണി, പി.എസ്. സോമി, വി.എസ്. ശുഭ എന്നിവരും ആദരം ഏറ്റുവാങ്ങി.
ജില്ലാ പോലീസ് മേധാവി കെ.എസ്. സുദർശൻ ചടങ്ങ് ഉദ്ഘാടനം ചെയ്ത് അഭിനന്ദന പത്രങ്ങൾ വിതരണം ചെയ്തു. അഡീഷണൽ എസ്.പി റ്റി.ബി. വിജയൻ, ഡിവൈഎസ്പിമാരായ ബൈജു പൗലോസ്, എൻ. ബാബുക്കുട്ടൻ, എൻ.എം. ജോയ് മാത്യു, കേരള ഹരിജൻ സമാജം പ്രസിഡന്റ് എം.കെ. കുഞ്ഞോൽ തുടങ്ങിയവർ സംസാരിച്ചു. പരിപാടിയോടൊപ്പം എസ് സി/എസ് റ്റി മോണിറ്ററിംഗ് കമ്മിറ്റി യോഗവും നടന്നു.
