ഓണക്കൂർ വാർഡിൽ എൽ.ഡി.എഫ് തരംഗം
ഓണക്കൂർ വാർഡിൽ എൽ.ഡി.എഫ് തരംഗം സി.ബി രാജീവ് വിജയിച്ചു
Angel Varghese 
ഓണക്കൂർ വാർഡിൽ എൽ.ഡി.എഫ് തരംഗം; സി.ബി രാജീവ് വിജയിച്ചു
പാമ്പാക്കുട: സ്ഥാനാർത്ഥിയുടെ മരണത്തെത്തുടർന്ന് തിരഞ്ഞെടുപ്പ് മാറ്റിവെച്ച പാമ്പാക്കുട ഗ്രാമപഞ്ചായത്തിലെ ഓണക്കൂർ വാർഡിൽ എൽ.ഡി.എഫ് സ്ഥാനാർത്ഥി സി.ബി രാജീവിന് ഉജ്ജ്വല വിജയം. വാശിയേറിയ പോരാട്ടത്തിനൊടുവിൽ 558 വോട്ടുകൾ നേടിയാണ് രാജീവ് വിജയിച്ചത്.
യു.ഡി.എഫ് സ്ഥാനാർത്ഥി ജോസ് ടി.പി തെളിയാമ്മേലിന് 337 വോട്ടുകൾ മാത്രമാണ് നേടാനായത്. എൻ.ഡി.എ സ്ഥാനാർത്ഥി ശ്രീകാന്തിന് 34 വോട്ടുകളും, സ്വതന്ത്ര സ്ഥാനാർത്ഥി പൗലോസിന് (മൈനോച്ചൻ) 35 വോട്ടുകളും ലഭിച്ചു. യു.ഡി.എഫിനെ അപേക്ഷിച്ച് മികച്ച ഭൂരിപക്ഷത്തോടെയാണ് എൽ.ഡി.എഫ് വാർഡ് നിലനിർത്തിയത്.
ജില്ലയിൽ തിരഞ്ഞെടുപ്പ് മാറ്റിവെച്ച ഏക ഗ്രാമപഞ്ചായത്ത് വാർഡായിരുന്നു ഓണക്കൂർ. നിശ്ചയിച്ച തിരഞ്ഞെടുപ്പ് ദിവസമായ ഡിസംബർ ഒമ്പതിന് പുലർച്ചെ യു.ഡി.എഫ് സ്ഥാനാർത്ഥിയായിരുന്ന സി.എസ്. ബാബു അന്തരിച്ചതിനെ തുടർന്നാണ് ഇവിടെ വോട്ടെടുപ്പ് നീട്ടിവെച്ചത്. ഫലപ്രഖ്യാപനത്തിന് പിന്നാലെ എൽ.ഡി.എഫ് പ്രവർത്തകർ ആഹ്ലാദപ്രകടനം നടത്തി.
