നവകേരളം സിറ്റിസൺ റെസ്പോൺസ് സർവേ മാർച്ച് 31 വരെ നീട്ടി വൊളന്റിയർമാർക്ക് പ്രതിഫലം പ്രഖ്യാപിച്ചു

നവകേരളം സിറ്റിസൺ റെസ്പോൺസ് പദ്ധതി മാർച്ച് 31 വരെ നീട്ടി സർക്കാർ ഉത്തരവിറക്കി. വൊളന്റിയർമാരുടെ പ്രതിഫലവും സുപ്രീംകോടതി വിധിയും സംബന്ധിച്ച കൂടുതൽ വിവരങ്ങൾ.

Angel Varghese

Mar 5, 2026 - 17:03

നവകേരളം സിറ്റിസൺ റെസ്പോൺസ് സർവേ മാർച്ച് 31 വരെ നീട്ടി; വൊളന്റിയർമാർക്ക് പ്രതിഫലം പ്രഖ്യാപിച്ചു

നവകേരളം സിറ്റിസൺ റെസ്പോൺസ്: കാലാവധി മാർച്ച് 31 വരെ നീട്ടി; വൊളന്റിയർമാർക്ക് പ്രതിഫലം നിശ്ചയിച്ചു

തിരുവനന്തപുരം: സംസ്ഥാന സർക്കാരിന്റെ സുപ്രധാന ജനസമ്പര്‍ക്ക പരിപാടിയായ ‘നവകേരളം - സിറ്റിസണ്‍ റെസ്പോണ്‍സ്’ പദ്ധതിയുടെ കാലാവധി നീട്ടി. ഫെബ്രുവരി 28-ന് അവസാനിക്കേണ്ടിയിരുന്ന സർവേ പ്രവർത്തനങ്ങളാണ് മാർച്ച് 31 വരെ നീട്ടി സർക്കാർ ഉത്തരവിറക്കിയത്. പദ്ധതിക്കായി 20 കോടി രൂപ ചെലവാക്കുന്നതിനെതിരെയുള്ള ഹൈക്കോടതി വിധി സുപ്രീംകോടതി സ്റ്റേ ചെയ്ത പശ്ചാത്തലത്തിലാണ് ഈ തീരുമാനം.

പദ്ധതിയുടെ ഭാഗമായി വീടുകൾ സന്ദർശിക്കുന്ന വൊളന്റിയർമാർക്കുള്ള പ്രതിഫലവും സർക്കാർ നിശ്ചയിച്ചിട്ടുണ്ട്. ഒരു വീട്ടിൽ ഒരാൾ സന്ദർശനം നടത്തിയാൽ 7.50 രൂപയും, രണ്ടുപേർ ചേർന്ന് സന്ദർശിച്ചാൽ പത്ത് രൂപയുമാണ് പ്രതിഫലം നൽകുക.

വികസന നിർദ്ദേശങ്ങളും ആശയങ്ങളും സ്വരൂപിക്കുന്നതിനും ക്ഷേമപദ്ധതികളെക്കുറിച്ചുള്ള പൊതുജനങ്ങളുടെ അഭിപ്രായം തേടുന്നതിനുമാണ് സർവേ നടത്തുന്നതെന്നാണ് സർക്കാരിന്റെ വിശദീകരണം. എന്നാൽ, സർക്കാർ ചെലവിൽ പാർട്ടി പ്രവർത്തകർക്ക് പണം നൽകാനും തിരഞ്ഞെടുപ്പ് പ്രചാരണം നടത്താനുമുള്ള തന്ത്രമാണിതെന്ന് പ്രതിപക്ഷം ആരോപിച്ചു. ഹൈക്കോടതി നേരത്തെ സർക്കാരിന്റെ ഉത്തരവ് റദ്ദാക്കിയിരുന്നെങ്കിലും സുപ്രീംകോടതിയുടെ ഇടപെടൽ സർക്കാരിന് ആശ്വാസമായിരിക്കുകയാണ്.