പോത്താനിക്കാട് ഗ്രാമപഞ്ചായത്തിൽ പച്ചക്കറി തൈകളുടെ വിതരണ ഉദ്ഘാടനം നിർവഹിച്ചു

എറണാകുളം പോത്താനിക്കാട് ഗ്രാമപഞ്ചായത്തിൽ 2026 27 വർഷത്തെ പച്ചക്കറി കൃഷി വികസന പദ്ധതിയുടെ ഭാഗമായി 7,000 ഓളം പച്ചക്കറി തൈകളുടെ വിതരണ ഉദ്ഘാടനം പ്രസിഡന്റ് കെ.പി. ജെയിംസ് നിർവഹിച്ചു.

Oct 29, 2026 - 14:32

പോത്താനിക്കാട് ഗ്രാമപഞ്ചായത്തിൽ പച്ചക്കറി തൈകളുടെ വിതരണ ഉദ്ഘാടനം നിർവഹിച്ചു

പോത്താനിക്കാട് ഗ്രാമപഞ്ചായത്തിൽ കൃഷി വികസന പദ്ധതിയുടെ ഭാഗമായി നടന്ന പച്ചക്കറി തൈ വിതരണത്തിന്റെ പഞ്ചായത്ത് തല ഉദ്ഘാടനം ഗ്രാമപഞ്ചായത്ത് പ്രസിഡൻ്റ് കെ പി ജെയിംസ് നിർവഹിക്കുന്നു

🥳 *KSFE - ഉടൻ ആരംഭിക്കുന്ന മെഗാ ബിനിനസ് ക്ലാസ് ചിട്ടി*

📸 *ഫോട്ടോസോ - നിങ്ങൾ ഒരു studio ഉടമസ്ഥനാണാ ?*

പോത്താനിക്കാട് ഗ്രാമപഞ്ചായത്തിൽ പച്ചക്കറി കൃഷി വികസന പദ്ധതി; തൈകൾ വിതരണം ചെയ്തു

പോത്താനിക്കാട് (എറണാകുളം): പ്രദേശത്തെ കർഷകർക്ക് മികച്ച വിളവുറപ്പാക്കുന്നതിനും വിഷരഹിത പച്ചക്കറി കൃഷിയെ പ്രോത്സാഹിപ്പിക്കുന്നതിനുമായി പോത്താനിക്കാട് ഗ്രാമപഞ്ചായത്തിൽ പച്ചക്കറി കൃഷി വികസന പദ്ധതിക്ക് തുടക്കമായി. 2026-27 സാമ്പത്തിക വർഷത്തെ പദ്ധതിയുടെ ഭാഗമായുള്ള പച്ചക്കറി തൈകളുടെ വിതരണ ഉദ്ഘാടനം പോത്താനിക്കാട് കാർഷിക വിപണി അങ്കണത്തിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് കെ.പി. ജെയിംസ് നിർവഹിച്ചു.

കൃഷിവകുപ്പിന്റെ നേതൃത്വത്തിൽ ആവിഷ്കരിച്ചിട്ടുള്ള ഈ പദ്ധതിയിലൂടെ ചുരുങ്ങിയ സ്ഥലത്ത് നിന്ന് കൂടുതൽ വിളവ് നൽകുന്ന ഗുണമേന്മയുള്ള 7,000-ൽ പരം തൈകളാണ് കർഷകർക്ക് ലഭ്യമാക്കുന്നത്. തക്കാളി, വെണ്ട, മുളക്, പയർ, വെള്ളരി തുടങ്ങിയവയുടെ തൈകളാണ് കാർഷിക വിപണി കേന്ദ്രം വഴി വിതരണം ചെയ്തത്.

ചടങ്ങിൽ ബ്ലോക്ക് പഞ്ചായത്ത് ഡിവിഷൻ മെമ്പർ ജേക്കബ് വർഗീസ്, ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ ഷീലാ റോയ്, മേഴ്സി ബിജു, കൃഷി ഓഫീസർ ബോസ് മത്തായി, ഗ്രാമപഞ്ചായത്ത് അംഗങ്ങളായ കെ. സി. പ്രദീപ്, ജിജി, അനേഷ്, ജിനേഷ് കെ. പോൾ, വിൻസന്റ് എബ്രഹാം, മിനി സണ്ണി, സീനാ സജി, അലൻഷയ റോബി, കൃഷി അസിസ്റ്റന്റുമാരായ ടി. എം. സുഹറ, കെ. പി. ഷെറീന തുടങ്ങിയവർ പങ്കെടുത്തു.