സമസ്താലോക IFFK-യിൽ
സമസ്താലോക' IFFK-യിൽ: ടി. പത്മനാഭന്റെ കഥകൾക്ക് ഷെറി ഗോവിന്ദൻ ദൃശ്യഭാഷ നൽകുന്നു
P R Sumeran 
സമസ്താലോക' IFFK-യിൽ: ടി. പത്മനാഭന്റെ കഥകൾക്ക് ഷെറി ഗോവിന്ദൻ ദൃശ്യഭാഷ നൽകുന്നു
തിരുവനന്തപുരം: പ്രശസ്ത എഴുത്തുകാരൻ ടി. പത്മനാഭന്റെ ചെറുകഥകളെ ആസ്പദമാക്കി ഷെറി ഗോവിന്ദൻ സംവിധാനം ചെയ്ത ചിത്രം 'സമസ്താലോക' 30-ാമത് രാജ്യാന്തര ചലച്ചിത്രമേളയിൽ (IFFK) പ്രദർശനത്തിനെത്തുന്നു. ഇർഷാദ്, കുക്കു പരമേശ്വരൻ, സംവിധായകൻ ഡോ: ബിജു എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രം ഇന്ന് (ഡിസംബർ 14, 2025) വൈകീട്ട് 6 മണിക്ക് കൈരളി തിയേറ്ററിൽ ആദ്യമായി പ്രദർശിപ്പിക്കും.
ടി. പത്മനാഭന്റെ കഥാപ്രപഞ്ചം ദൃശ്യവൽക്കരിക്കുന്ന 'സമസ്താലോക' ഫുൾ മാർക്ക് സിനിമയുടെ ബാനറിൽ ജെഷീദ ഷാജി, രജിത് രഘു എന്നിവർ ചേർന്നാണ് നിർമ്മിച്ചിരിക്കുന്നത്. മനുഷ്യബന്ധങ്ങളുടെ ആഴവും ഏകാന്തതയുടെ സൗന്ദര്യവും പകരുന്ന ഈ ചിത്രം ചലച്ചിത്രമേളയിലെ ശ്രദ്ധേയമായ മലയാള ചിത്രങ്ങളിൽ ഒന്നാണ്.
പ്രദർശന സമയം:
തീയതി സമയം തിയേറ്റർ
14/12/25 (ഇന്ന്) 6:00 PM കൈരളി
16/12/25 9:15 AM കൃപ
18/12/25 12:30 PM ന്യൂ - 2
സിനിമയുടെ പ്രദർശനങ്ങൾ കാണാൻ ചലച്ചിത്രപ്രേമികൾക്ക് അവസരമുണ്ട്.
