നെല്ല് സംഭരണ തുക വിതരണം ഇന്ന് പുനരാരംഭിക്കും കർഷകർക്ക് ആശ്വാസമായി 90.91 കോടി രൂപ എത്തി
കേരളത്തിൽ നെല്ല് സംഭരണത്തിനുള്ള പി.ആർ.എസ് വായ്പാ തുക വിതരണം ഇന്ന് (ജൂലൈ 16) മുതൽ പുനരാരംഭിക്കും. കേന്ദ്രത്തിൽ നിന്ന് 90.91 കോടി രൂപ ലഭിച്ചതിനെ തുടർന്നാണ് നടപടി.
Angel Varghese 
നെല്ല് സംഭരണം: കർഷകർക്കുള്ള തുക വിതരണം ഇന്ന് പുനരാരംഭിക്കും
കൊച്ചി: സംസ്ഥാനത്ത് നെല്ല് സംഭരണവുമായി ബന്ധപ്പെട്ട് കർഷകർക്ക് നൽകാനുള്ള പി.ആർ.എസ് (PRS) വായ്പാ തുക വിതരണം ഇന്ന് (ജൂലൈ 16) മുതൽ പുനരാരംഭിക്കും. കേന്ദ്രസർക്കാരിൽ നിന്നും നെല്ല് സംഭരണത്തിനായി 90.91 കോടി രൂപ അനുവദിച്ച പശ്ചാത്തലത്തിലാണ് തുക വിതരണം വേഗത്തിലാക്കാൻ സാധിച്ചത്.
സ്റ്റേറ്റ് ബാങ്ക് ഓഫ് ഇന്ത്യ (SBI), കാനറാ ബാങ്ക് എന്നിവ മുഖേനയാണ് കർഷകർക്ക് തുക ലഭ്യമാക്കുക. കേന്ദ്ര സർക്കാർ നൽകിയ വിഹിതം ഉപയോഗിച്ച് ബാങ്കുകൾക്ക് നൽകാനുണ്ടായിരുന്ന കുടിശ്ശിക സപ്ലൈകോ തിരിച്ചടച്ചിട്ടുണ്ട്. ഇതോടെയാണ് ബാങ്കുകൾ വഴി കർഷകരിലേക്ക് തുകയെത്തിക്കുന്നതിനുള്ള തടസ്സങ്ങൾ നീങ്ങിയതും വിതരണം പുനരാരംഭിക്കാൻ കഴിഞ്ഞതും.
കഴിഞ്ഞ കുറച്ചു ദിവസങ്ങളായി മുടങ്ങിക്കിടന്ന തുക വിതരണം എത്രയും വേഗം കർഷകരിലേക്ക് എത്തിക്കാൻ ബാങ്കുകൾക്ക് നിർദ്ദേശം നൽകിയിട്ടുണ്ടെന്ന് എറണാകുളം ജില്ലാ ഇൻഫർമേഷൻ ഓഫീസ് അറിയിച്ചു.
