നിയുക്ത മുഖ്യമന്ത്രിക്ക് ആശംസകൾ വാഗ്ദാനങ്ങൾ നടപ്പിലാക്കുന്നത് കാണാൻ കട്ട വെയ്റ്റിംഗ് എം.എം. മണി
കേരളത്തിന്റെ പുതിയ മുഖ്യമന്ത്രിയായി നിയമിതനായ വി.ഡി. സതീശന് ആശംസകളുമായി മുൻ മന്ത്രി എം.എം. മണി. ഹൈക്കമാൻഡ് തീരുമാനം വൈകിയതിനെ പരിഹസിച്ച മണി, തിരഞ്ഞെടുപ്പ് വാഗ്ദാനങ്ങൾ നടപ്പിലാക്കുന്നത് കാണാൻ കാത്തിരിക്കുകയാണ്
Angel Varghese 
വി.ഡി. സതീശന് ആശംസകളുമായി എം.എം. മണി; 'വാഗ്ദാനങ്ങൾ നടപ്പിലാക്കാൻ കട്ടവെയ്റ്റിംഗെന്ന്' കുറിപ്പ്
തിരുവനന്തപുരം: നിയുക്ത കേരള മുഖ്യമന്ത്രി വി.ഡി. സതീശനെ അഭിനന്ദിച്ചും പരിഹസിച്ചും സി.പി.എം നേതാവും മുൻ മന്ത്രിയുമായ എം.എം. മണി. കേരളത്തിന്റെ 24-ാമത് മുഖ്യമന്ത്രിയായി ചുമതലയേൽക്കുന്ന സതീശന് തന്റെ ഫേസ്ബുക്ക് കുറിപ്പിലൂടെയാണ് മണി ആശംസകൾ നേർന്നത്.
"ജനങ്ങൾ തിരഞ്ഞെടുത്ത നേതാവിനെ വൈകിയാണെങ്കിലും ഹൈക്കമാൻഡ് മുഖ്യമന്ത്രിയായി പ്രഖ്യാപിച്ചു. നിയുക്ത മുഖ്യമന്ത്രി വി.ഡി. സതീശന് ആശംസകൾ നേരുന്നു," എന്ന് അദ്ദേഹം കുറിച്ചു. എന്നാൽ ആശംസകൾക്കൊപ്പം തന്നെ രാഷ്ട്രീയമായ പരിഹാസവും മണി കുറിപ്പിൽ ഉൾപ്പെടുത്തിയിട്ടുണ്ട്. തിരഞ്ഞെടുപ്പ് വേളയിൽ ജനങ്ങൾക്ക് നൽകിയ വാഗ്ദാനങ്ങൾ നടപ്പിലാക്കുന്നത് കാണാൻ താൻ 'കട്ടവെയ്റ്റിംഗിലാണെന്നും' അദ്ദേഹം കൂട്ടിച്ചേർത്തു.
കേരളത്തിന്റെ മുഖ്യമന്ത്രി പദവിയിലെത്തുന്ന അഞ്ചാമത്തെ കോൺഗ്രസ് നേതാവാണ് വി.ഡി. സതീശൻ. സതീശന്റെ ഭരണത്തിന് കീഴിലുള്ള കോൺഗ്രസ് സർക്കാരിന്റെ പ്രവർത്തനങ്ങളെ ഉറ്റുനോക്കുകയാണ് രാഷ്ട്രീയ കേരളം.
