ആവോലി ഗ്രാമപഞ്ചായത്തിൽ കറവപ്പശുക്കൾക്കുള്ള കാലിത്തീറ്റ വിതരണ പദ്ധതി ഉദ്ഘാടനം ചെയ്തു

ആവോലി ഗ്രാമപഞ്ചായത്ത് ജനകീയസൂത്രണ പദ്ധതിയുടെ ഭാഗമായി കറവപ്പശുക്കൾക്കുള്ള കാലിത്തീറ്റ വിതരണ പദ്ധതി പഞ്ചായത്ത് പ്രസിഡന്റ് ജോജി കെ. ജോസ് ഉദ്ഘാടനം ചെയ്തു. 95 ക്ഷീരകർഷകർക്ക് ആനുകൂല്യം ലഭിക്കും

Oct 27, 2026 - 16:12

ആവോലി ഗ്രാമപഞ്ചായത്തിൽ കറവപ്പശുക്കൾക്കുള്ള കാലിത്തീറ്റ വിതരണ പദ്ധതി ഉദ്ഘാടനം ചെയ്തു

ആവോലി ഗ്രാമപഞ്ചായത്ത് ജനകീയ ആസൂത്രണ പദ്ധതിയിൽ ഉൾപ്പെടുത്തി നടപ്പിലാക്കുന്ന കാലിത്തീറ്റ വിതരണ പദ്ധതിയുടെ ഉദ്ഘാടനം ഗ്രാമപഞ്ചായത്ത് പ്രസിഡൻറ് ജോജി കെ ജോസ് നിർവഹിക്കുന്നു

📸 *ഫോട്ടോസോ - നിങ്ങൾ ഒരു studio ഉടമസ്ഥനാണാ ?*

ആവോലി ഗ്രാമപഞ്ചായത്തിൽ കറവപ്പശുക്കൾക്കുള്ള കാലിത്തീറ്റ വിതരണ പദ്ധതിക്ക് തുടക്കമായി; 95 ക്ഷീരകർഷകർക്ക് ആനുകൂല്യം

മൂവാറ്റുപുഴ/എറണാകുളം: ആവോലി ഗ്രാമപഞ്ചായത്ത് ജനകീയസൂത്രണ പദ്ധതി (2026-27) വിഹിതമുപയോഗിച്ച് നടപ്പിലാക്കുന്ന കറവപ്പശുക്കൾക്കുള്ള കാലിത്തീറ്റ വിതരണ പദ്ധതി ഉദ്ഘാടനം ചെയ്തു. ആവോലി പാൽ സൊസൈറ്റിയിൽ സംഘടിപ്പിച്ച ചടങ്ങിൽ ഗ്രാമപഞ്ചായത്ത് പ്രസിഡന്റ് ജോജി കെ. ജോസ് പദ്ധതി ഉദ്ഘാടനം നിർവഹിച്ചു.

പഞ്ചായത്തിലെ ക്ഷീരമേഖലയെ ശക്തമാക്കുന്നതിനും ക്ഷീരകർഷകർക്ക് അടിയന്തര സാമ്പത്തിക സഹായമെത്തിക്കുന്നതിനുമായി 14,63,000 രൂപ വകയിരുത്തിയാണ് പദ്ധതി നടപ്പിലാക്കിയിട്ടുള്ളത്. പദ്ധതിയുടെ ഭാഗമായി ആവോലി ഗ്രാമപഞ്ചായത്തിലെ 95 തെരഞ്ഞെടുക്കപ്പെട്ട ക്ഷീരകർഷകർക്ക് കാലിത്തീറ്റ വിതരണം ചെയ്യും.

ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് ഫെമിന അഷ്‌റഫ് അധ്യക്ഷത വഹിച്ചു. വികസനകാര്യ സ്ഥിരം സമിതി അധ്യക്ഷൻ ഷിബു പരീക്കൻ, വെറ്ററിനറി സർജൻ ഡോ. ആഷ അബ്രഹാം, മറ്റ് ഗ്രാമപഞ്ചായത്ത് അംഗങ്ങൾ, ക്ഷീരസംഘം പ്രസിഡന്റ് സിറിൽ ജോസഫ്, ഗുണഭോക്താക്കളായ ക്ഷീരകർഷകർ എന്നിവർ പങ്കെടുത്തു.