കർഷകർക്ക് ആദരവുമായി കൃഷിയിടത്തിലേക്ക് ഇറങ്ങി രാജ്ഭവനിൽ ഞാറുനട്ട് ഗവർണർ രാജേന്ദ്ര വിശ്വനാഥ് അർലേക്കർ
ഗവർണർ രാജേന്ദ്ര വിശ്വനാഥ് അർലേക്കർ രാജ്ഭവൻ വളപ്പിൽ ഞാറുനട്ട് നെൽകൃഷി പദ്ധതിക്ക് തുടക്കം കുറിച്ചു. കാർഷിക പ്രാധാന്യവും കർഷകരുടെ സംഭാവനകളും അദ്ദേഹം ഓർമ്മിപ്പിച്ചു.
Angel Varghese 
രാജ്ഭവനിൽ ഞാറുനട്ട് ഗവർണർ രാജേന്ദ്ര വിശ്വനാഥ് അർലേക്കർ; നെൽകൃഷി പദ്ധതിക്ക് തുടക്കം
തിരുവനന്തപുരം:കാർഷിക സംസ്കൃതിയുടെ പ്രാധാന്യവും കർഷകരുടെ വിലമതിക്കാനാവാത്ത സംഭാവനകളും ഓർമ്മിപ്പിച്ചുകൊണ്ട് ബഹുമാനപ്പെട്ട ഗവർണർ രാജേന്ദ്ര വിശ്വനാഥ് അർലേക്കർ രാജ്ഭവൻ വളപ്പിൽ ഞാറു നടീൽ കർമ്മത്തിന് തുടക്കം കുറിച്ചു. രാജ്ഭവൻ പരിസരത്ത് പുതുതായി ആരംഭിച്ച നെൽകൃഷി വ്യാപന പദ്ധതിയുടെ ഭാഗമായാണ് അദ്ദേഹം നേരിട്ട് കൃഷിയിടത്തിൽ ഇറങ്ങി നെൽച്ചെടികൾ നട്ടത്.
ഭക്ഷണ സുരക്ഷയിലും രാജ്യത്തിന്റെ സമ്പദ്വ്യവസ്ഥയിലും കൃഷിക്കുള്ള പ്രാധാന്യം ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് ഈ മാതൃകാപരമായ കൃഷിക്ക് തുടക്കമിട്ടിരിക്കുന്നത്. കഠിനാധ്വാനികളായ കർഷകരെ ആദരിക്കാനും കാർഷിക മേഖലയ്ക്ക് കൂടുതൽ പിന്തുണ നൽകാനും സമൂഹത്തിലെ ഓരോരുത്തരും മുന്നോട്ടുവരണമെന്ന് ചടങ്ങിൽ സംസാരിക്കവെ ഗവർണർ ഓർമ്മിപ്പിച്ചു.
രാജ്ഭവനിലെ ഉയർന്ന ഉദ്യോഗസ്ഥരും ജീവനക്കാരും കൃഷി വകുപ്പ് പ്രതിനിധികളും ഈ മാതൃകാപരമായ ചടങ്ങിന്റെ ഭാഗമായി.
