തമിഴ്നാട് മദ്യനയം 2026: 717 ടാസ്മാക് കടകൾ പൂട്ടുന്നു ചരിത്രപരമായ തീരുമാനവുമായി മുഖ്യമന്ത്രി ജോസഫ് വിജയ്
സ്കൂളുകൾക്കും ആരാധനാലയങ്ങൾക്കും അരികിലെ മദ്യപാനം ഇനി വേണ്ട തമിഴ്നാട്ടിൽ വൻ നിയന്ത്രണവുമായി മുഖ്യമന്ത്രി ജോസഫ് വിജയ് ഉത്തരവിട്ടു.
Angel Varghese 
തമിഴ്നാട്ടിൽ 717 മദ്യശാലകൾ അടച്ചുപൂട്ടാൻ സർക്കാർ ഉത്തരവ്; ജനതാൽപ്പര്യം പരിഗണിച്ചുള്ള നടപടിയുമായി മുഖ്യമന്ത്രി ജോസഫ് വിജയ്
ചെന്നൈ: തമിഴ്നാട്ടിൽ 717 ടാസ്മാക് (TASMAC) മദ്യശാലകൾ ഉടൻ അടച്ചുപൂട്ടാൻ മുഖ്യമന്ത്രി ജോസഫ് വിജയ് ഉത്തരവിട്ടു. പൊതുജനങ്ങളുടെ നിരന്തരമായ ആവശ്യവും ക്ഷേമവും പരിഗണിച്ചാണ് ഈ നിർണ്ണായക തീരുമാനം കൈക്കൊണ്ടിരിക്കുന്നത്. സ്കൂളുകൾ, ആരാധനാലയങ്ങൾ, ബസ് സ്റ്റാൻഡുകൾ എന്നിവയുടെ 500 മീറ്റർ ചുറ്റളവിൽ പ്രവർത്തിക്കുന്ന മദ്യശാലകളാണ് ഈ ഉത്തരവിലൂടെ പൂട്ടുന്നത്.
നിലവിൽ തമിഴ്നാട്ടിൽ പ്രവർത്തിക്കുന്ന 4,765 ടാസ്മാക് ഔട്ട്ലെറ്റുകളിൽ 717 എണ്ണത്തിനാണ് ഇതോടെ പൂട്ടുവീഴുന്നത്. ഇതിൽ 186 എണ്ണം സ്കൂളുകൾക്ക് സമീപവും, 276 എണ്ണം ആരാധനാലയങ്ങൾക്ക് സമീപവും, 255 എണ്ണം ബസ് സ്റ്റാൻഡുകൾക്ക് അരികിലുമാണ് സ്ഥിതി ചെയ്യുന്നത്.
നേരത്തെ 50 മീറ്റർ പരിധിയിൽ മദ്യഷോപ്പുകൾ പാടില്ല എന്നതായിരുന്നു നിയമം. എന്നാൽ പുതിയ സർക്കാർ ഈ ദൂരപരിധി 500 മീറ്ററായി ഉയർത്തി കർശനമാക്കിയിരിക്കുകയാണ്. ലഹരിമുക്തമായ ഒരു സമൂഹത്തെ ലക്ഷ്യമിട്ടുള്ള സർക്കാരിന്റെ ഈ നീക്കത്തെ വലിയ ആവേശത്തോടെയാണ് ജനങ്ങൾ വരവേൽക്കുന്നത്.
