ലാൻസ് നായിക് മീനാക്ഷി സുന്ദരത്തിന് 48 ലക്ഷം രൂപ പാരിതോഷികം നൽകി മുഖ്യമന്ത്രി സി. ജോസഫ് വിജയ് തമിഴ്നാട് സർക്കാരിന്റെ ആദരം
ജമ്മു കശ്മീരിൽ ഭീകരരുമായുള്ള ഏറ്റുമുട്ടലിൽ ധീരത പ്രകടിപ്പിച്ച് കീർത്തിചക്ര നേടിയ ലാൻസ് നായിക് മീനാക്ഷി സുന്ദരത്തിന് തമിഴ്നാട് മുഖ്യമന്ത്രി സി. ജോസഫ് വിജയ് 48 ലക്ഷം രൂപ പാരിതോഷികം കൈമാറി.
Angel Varghese 
കീർത്തിചക്ര ജേതാവ് ലാൻസ് നായിക് മീനാക്ഷി സുന്ദരത്തിന് തമിഴ്നാട് സർക്കാരിന്റെ ആദരം; 48 ലക്ഷം രൂപ പാരിതോഷികം കൈമാറി
ചെന്നൈ: രാജ്യത്തിന്റെ ഉന്നത സൈനിക ബഹുമതികളിലൊന്നായ കീർത്തിചക്ര നേടിയ ലാൻസ് നായിക് മീനാക്ഷി സുന്ദരത്തിന് തമിഴ്നാട് സർക്കാരിന്റെ ആദരം. ചെന്നൈയിൽ നടന്ന ചടങ്ങിൽ മുഖ്യമന്ത്രി സി. ജോസഫ് വിജയ് അദ്ദേഹത്തിന് 48 ലക്ഷം രൂപയുടെ ക്യാഷ് അവാർഡും ഉപഹാരവും കൈമാറി ആദരിച്ചു.
2024-ൽ ജമ്മു കശ്മീരിലെ കുൽഗാമിൽ ഭീകരരുമായി നടന്ന ശക്തമായ ഏറ്റുമുട്ടലിൽ ജീവൻ പണയം വെച്ച് പോരാടിയ ധീരതയ്ക്കാണ് തമിഴ്നാട് തേനി സ്വദേശിയായ മീനാക്ഷി സുന്ദരത്തിന് രാജ്യം കീർത്തിചക്ര സമ്മാനിച്ചത്. മാതൃരാജ്യത്തിന്റെ സുരക്ഷയ്ക്കായി അസാമാന്യ വീര്യം പ്രകടിപ്പിച്ച അദ്ദേഹത്തിന്റെ പോരാട്ടം യുവതലമുറയ്ക്ക് വലിയ ആവേശമാണെന്ന് മുഖ്യമന്ത്രി ചടങ്ങിൽ വ്യക്തമാക്കി.
തമിഴ്നാട്ടിൽ നിന്നുള്ള സേനാംഗങ്ങൾക്ക് വിവിധ ധീരതാ അവാർഡുകൾ ലഭിക്കുമ്പോൾ സംസ്ഥാന സർക്കാർ വൻ തുകകളുടെ പാരിതോഷികങ്ങളും ആനുകൂല്യങ്ങളും നൽകി വരാറുണ്ട്. ഈ നയത്തിന്റെ ഭാഗമായാണ് മുഖ്യമന്ത്രി നേരിട്ടെത്തി ധീര സൈനികനെ ആദരിക്കുകയും സർക്കാരിന്റെ അഭിനന്ദനങ്ങൾ അറിയിക്കുകയും ചെയ്തത്. മുതിർന്ന സൈനിക ഉദ്യോഗസ്ഥരും ഭരണാധികാരികളും ചടങ്ങിൽ പങ്കെടുത്തു.
