വി.ഡി.സതീശൻ മന്ത്രിസഭ ഇന്ന് അധികാരത്തിലേക്ക് സത്യപ്രതിജ്ഞ രാവിലെ 10ന് സെൻട്രൽ സ്റ്റേഡിയത്തിൽ
കേരളത്തിൽ വി.ഡി. സതീശന്റെ നേതൃത്വത്തിലുള്ള പുതിയ യുഡിഎഫ് മന്ത്രിസഭ ഇന്ന് അധികാരമേൽക്കും. രാവിലെ 10ന് സെൻട്രൽ സ്റ്റേഡിയത്തിൽ നടക്കുന്ന ചടങ്ങിൽ 21 മന്ത്രിമാർ സത്യപ്രതിജ്ഞ ചെയ്ത് അധികാരമേൽക്കും.
Angel Varghese 
കേരളത്തിൽ യുഡിഎഫ് യുഗം: വി.ഡി.സതീശൻ മുഖ്യമന്ത്രിയായുള്ള 21 അംഗ മന്ത്രിസഭ ഇന്ന് അധികാരത്തിലേക്ക്
തിരുവനന്തപുരം: കേരളത്തിൽ ജനവിധി നേടി വി.ഡി.സതീശന്റെ നേതൃത്വത്തിലുള്ള ഐക്യജനാധിപത്യ മുന്നണി (യു.ഡി.എഫ്) സർക്കാർ ഇന്ന് അധികാരമേൽക്കും. രാവിലെ 10 മണിക്ക് തലസ്ഥാനത്തെ സെൻട്രൽ സ്റ്റേഡിയത്തിൽ നടക്കുന്ന പ്രൗഢഗംഭീരമായ ചടങ്ങിൽ മുഖ്യമന്ത്രി വി.ഡി.സതീശന്റെ നേതൃത്വത്തിലുള്ള 21 അംഗ മന്ത്രിസഭ ഗവർണർ മുൻപാകെ സത്യപ്രതിജ്ഞ ചെയ്ത് അധികാരമേൽക്കും.
മുഖ്യമന്ത്രിയടക്കം 14 പുതുമുഖങ്ങളാണ് ഇത്തവണ മന്ത്രിസഭയിലുള്ളത് എന്നത് പുതിയ സർക്കാരിന്റെ സവിശേഷതയാണ്. മന്ത്രിമാരുടെ അന്തിമ പട്ടിക കഴിഞ്ഞ ദിവസം തന്നെ നിയുക്ത മുഖ്യമന്ത്രി ഗവർണർക്ക് കൈമാറിയിരുന്നു. വകുപ്പുകൾ സംബന്ധിച്ച ഔദ്യോഗിക പ്രഖ്യാപനം സത്യപ്രതിജ്ഞയ്ക്ക് ശേഷം ഗസറ്റ് വിജ്ഞാപനത്തിലൂടെ പുറത്തുവിടും. "ഗസറ്റ് വിജ്ഞാപനത്തില് അടുത്ത വിസ്മയങ്ങള് നോക്കിക്കൊള്ളൂ" എന്ന് വി.ഡി.സതീശൻ മാധ്യമങ്ങളോട് പ്രതികരിച്ചു.
കക്ഷിനിലയും രണ്ടര വർഷത്തെ പങ്കുവെക്കലും
മന്ത്രിസഭയിൽ കോൺഗ്രസിന് മുഖ്യമന്ത്രിയടക്കം 12 മന്ത്രിമാരാണുള്ളത്. മുസ്ലിം ലീഗിന് 5 മന്ത്രിസ്ഥാനങ്ങളും കേരള കോൺഗ്രസ്, ആർ.എസ്.പി, സി.എം.പി, കേരള കോൺഗ്രസ് (ജേക്കബ്) എന്നീ ഘടകകക്ഷികൾക്ക് ഓരോ മന്ത്രിസ്ഥാനം വീതവുമുണ്ട്. രണ്ട് വനിതാ പ്രതിനിധികളും മന്ത്രിസഭയിലുണ്ടാകും.
കോൺഗ്രസിലും മുസ്ലിം ലീഗിലും ഓരോ മന്ത്രിസ്ഥാനം വീതം രണ്ടര വർഷത്തിന് ശേഷം വച്ചുമാറും. ലീഗിൽ നിന്നും രണ്ടര വർഷത്തിന് ശേഷം പാറയ്ക്കൽ അബ്ദുല്ല മന്ത്രിയാകുമെന്ന് പാണക്കാട് സാദിഖലി ശിഹാബ് തങ്ങൾ അറിയിച്ചു. ഏകാംഗ കക്ഷികളായ അനൂപ് ജേക്കബും മാണി സി. കാപ്പനും തമ്മിലും മന്ത്രിസ്ഥാനം പങ്കിടും. ആദ്യ ടേം അനൂപ് ജേക്കബിനാണ്. ടേം വ്യവസ്ഥയോട് പൂർണ്ണ യോജിപ്പില്ലെങ്കിലും മുന്നണി മര്യാദ മുൻനിർത്തിയാണ് മാണി സി. കാപ്പൻ ഇതിന് വഴങ്ങിയത്. അതേസമയം, കേരള കോൺഗ്രസിന് ഒരു മന്ത്രിസ്ഥാനത്തിന് പുറമെ ചീഫ് വിപ്പ് പദവിയും ലഭിച്ചു. അപു ജോൺ ജോസഫ് ആയിരിക്കും പുതിയ ചീഫ് വിപ്പ്.
പ്രമുഖരും പുതുമുഖങ്ങളും
യൂത്ത് കോൺഗ്രസ് പ്രസിഡന്റ് ഒ.ജെ. ജനീഷ് ഉൾപ്പെടെ 6 പുതുമുഖ എം.എൽ.എമാരാണ് മന്ത്രിസഭയിലേക്ക് എത്തുന്നത്. കെ.പി.സി.സി പ്രസിഡന്റ് സണ്ണി ജോസഫ്, വർക്കിങ് പ്രസിഡന്റുമാരായ എ.പി. അനിൽകുമാർ, പി.സി. വിഷ്ണുനാഥ് എന്നിവരും മന്ത്രിപ്പട്ടികയിലുണ്ട്.
രമേശ് ചെന്നിത്തല, പി.കെ.കുഞ്ഞാലിക്കുട്ടി, കെ.മുരളീധരൻ തുടങ്ങിയ മുതിർന്ന നേതാക്കൾ മന്ത്രിസഭയെ നയിക്കും. തിരുവഞ്ചൂർ രാധാകൃഷ്ണൻ പുതിയ സ്പീക്കറായും ഷാനിമോൾ ഉസ്മാൻ ഡെപ്യൂട്ടി സ്പീക്കറായും ചുമതലയേൽക്കും.
മന്ത്രിസഭാംഗങ്ങൾ: വി.ഡി.സതീശൻ (മുഖ്യമന്ത്രി), രമേശ് ചെന്നിത്തല, പി.കെ.കുഞ്ഞാലിക്കുട്ടി, സണ്ണി ജോസഫ്, കെ.മുരളീധരന്, മോൻസ് ജോസഫ്, ഷിബു ബേബി ജോൺ, അനൂപ് ജേക്കബ്, സി.പി.ജോൺ, എ.പി.അനില്കുമാര്, എൻ.ഷംസുദ്ദീൻ, പി.സി.വിഷ്ണുനാഥ്, റോജി എം. ജോണ്, ബിന്ദു കൃഷ്ണ, എം.ലിജു, ടി.സിദ്ദിഖ്, കെ.എം.ഷാജി, പി.കെ.ബഷീർ, വി.ഇ.അബ്ദുൽ ഗഫൂർ, കെ.എ.തുളസി, ഒ.ജെ.ജനീഷ്.
വകുപ്പുകളെക്കുറിച്ചുള്ള സൂചനകൾ
നിയുക്ത മുഖ്യമന്ത്രി വി.ഡി.സതീശൻ ധനം, നിയമം, തുറമുഖം, പൊതുഭരണം എന്നീ പ്രധാന വകുപ്പുകൾ കൈകാര്യം ചെയ്യും. ആഭ്യന്തര-വിജിലൻസ് വകുപ്പുകൾ രമേശ് ചെന്നിത്തലയ്ക്കായിരിക്കും. മറ്റ് പ്രമുഖരുടെ വകുപ്പുകളെക്കുറിച്ചുള്ള സൂചനകൾ താഴെ പറയുന്ന പ്രകാരമാണ്:
മന്ത്രി വകുപ്പ് (സാധ്യതകൾ)
സണ്ണി ജോസഫ് റവന്യു
കെ.മുരളീധരൻ ആരോഗ്യം, ദേവസ്വം
പി.കെ.കുഞ്ഞാലിക്കുട്ടി വ്യവസായം, ഐ.ടി
എ.പി.അനിൽകുമാർ വൈദ്യുതി
എം.ലിജു എക്സൈസ്
കെ.എ.തുളസി പട്ടികവിഭാഗ, പിന്നാക്ക ക്ഷേമം
ബിന്ദു കൃഷ്ണ വനിതാ–ശിശു ക്ഷേമം
മോൻസ് ജോസഫ് ജലവിഭവം
സി.പി.ജോൺ ഗതാഗതം
ടി.സിദ്ദിഖ് (വനം), പി.സി.വിഷ്ണുനാഥ് (ടൂറിസം, സാംസ്കാരികം), റോജി എം.ജോൺ (ഉന്നത വിദ്യാഭ്യാസം), ഒ.ജെ.ജനീഷ് (യുവജനക്ഷേമം) എന്നിവരുടെ വകുപ്പുകളിൽ ഔദ്യോഗിക സ്ഥിരീകരണം സത്യപ്രതിജ്ഞയ്ക്ക് ശേഷം ഉണ്ടാകും. ആർ.എസ്.പി നേതാവ് ഷിബു ബേബി ജോൺ ജലവിഭവ വകുപ്പാണ് ആവശ്യപ്പെട്ടിരിക്കുന്ന
