9 വർഷത്തെ വേട്ടയാടലിന് പുതുപ്പള്ളി മറുപടി നൽകും; ഇടത് സർക്കാരിനെതിരെ ആഞ്ഞടിച്ച് ചാണ്ടി ഉമ്മൻ
പുതുപ്പള്ളി ഉപതിരഞ്ഞെടുപ്പിൽ വോട്ട് രേഖപ്പെടുത്തിയ ശേഷം എൽഡിഎഫ് സർക്കാരിനെതിരെ രൂക്ഷവിമർശനവുമായി യുഡിഎഫ് സ്ഥാനാർഥി ചാണ്ടി ഉമ്മൻ. വികസന മുരടിപ്പും പിതാവിനെ വേട്ടയാടിയതും ജനങ്ങൾ വോട്ടിലൂടെ ചർച്ച ചെയ്യുമെന്ന് അദ്ദേഹം പറഞ്ഞു.
അനില എം കൃഷ്ണൻ 
പുതുപ്പള്ളിയിൽ വിധി എഴുതുന്നത് ഉമ്മൻ ചാണ്ടിയെ വേട്ടയാടിയവർക്കെതിരെ; ഇടത് സർക്കാരിനെതിരെ ജനരോഷമെന്ന് ചാണ്ടി ഉമ്മൻ
പുതുപ്പള്ളി: പുതുപ്പള്ളിയും കേരളവും ഇന്ന് ഇടതുപക്ഷ സർക്കാരിനെതിരെ വിധി എഴുതുന്ന ദിനമാണെന്ന് യുഡിഎഫ് സ്ഥാനാർഥി ചാണ്ടി ഉമ്മൻ. 9 വർഷമായി തന്റെ പിതാവ് ഉമ്മൻ ചാണ്ടിയെ വേട്ടയാടിയവർക്കുള്ള മറുപടിയായിരിക്കും ഈ തിരഞ്ഞെടുപ്പ് ഫലമെന്നും അദ്ദേഹം പറഞ്ഞു. പുതുപ്പള്ളി ജോർജിയൻ പബ്ലിക് സ്കൂളിലെ പോളിങ് ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
"എന്റെ പിതാവിനെ ഒൻപത് വർഷമായി അവർ ക്രൂരമായി വേട്ടയാടുകയാണ്. വികസനത്തിന്റെ കാര്യത്തിൽ പുതുപ്പള്ളിയെ എൽഡിഎഫ് സർക്കാർ അവഗണിച്ചു. ഫണ്ട് നൽകാതെ മണ്ഡലത്തെ ദ്രോഹിച്ചതുമൂലം സൂപ്പർ സ്പെഷ്യാലിറ്റി ആശുപത്രിയുടെയും പാലങ്ങളുടെയും നിർമ്മാണം പാതിവഴിയിൽ നിലച്ചു. പണി പൂർത്തിയാകാത്ത സിവിൽ സ്റ്റേഷന് ഉമ്മൻ ചാണ്ടിയുടെ പേരിട്ട് അദ്ദേഹത്തെ ആക്ഷേപിക്കുകയാണ് സർക്കാർ ചെയ്തത്," ചാണ്ടി ഉമ്മൻ ആരോപിച്ചു.
ശബരിമല വിഷയത്തിലും സർക്കാരിന്റെ അഴിമതികൾക്കുമെതിരെ ജനങ്ങൾ വോട്ടിലൂടെ പ്രതികരിക്കും. ഉമ്മൻ ചാണ്ടിയുടെ പിൻഗാമിയായി ഒരു യുഡിഎഫ് മുഖ്യമന്ത്രി കേരളത്തിൽ ഉണ്ടാകുമെന്നും അദ്ദേഹം ആത്മവിശ്വാസം പ്രകടിപ്പിച്ചു.
