വോട്ടെണ്ണൽ ദിനം എറണാകുളം ജില്ലയിലെ 3 വിദ്യാഭ്യാസ സ്ഥാപനങ്ങൾക്ക് മെയ് 4 ന് അവധി

2026 കേരള നിയമസഭാ തിരഞ്ഞെടുപ്പിന്റെ വോട്ടെണ്ണൽ പ്രമാണിച്ച് എറണാകുളം ജില്ലയിലെ കുസാറ്റ്, യു.സി കോളേജ്, എം.എ കോളേജ് എന്നിവയ്ക്ക് മെയ് 4 ന് അവധി പ്രഖ്യാപിച്ചു.

അനില എം കൃഷ്ണൻ

Apr 30, 2026 - 15:09

വോട്ടെണ്ണൽ ദിനം എറണാകുളം ജില്ലയിലെ 3 വിദ്യാഭ്യാസ സ്ഥാപനങ്ങൾക്ക് മെയ് 4 ന് അവധി

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

🥳 *KSFE - ഉടൻ ആരംഭിക്കുന്ന മെഗാ ബിനിനസ് ക്ലാസ് ചിട്ടി*

വോട്ടെണ്ണൽ ദിനം: എറണാകുളം ജില്ലയിലെ 3 പ്രധാന വിദ്യാഭ്യാസ സ്ഥാപനങ്ങൾക്ക് മെയ് 4-ന് അവധി

കൊച്ചി: കേരള നിയമസഭയിലേക്കുള്ള 2026-ലെ പൊതു തിരഞ്ഞെടുപ്പിന്റെ വോട്ടെണ്ണൽ ദിനമായ മെയ് 4-ന് എറണാകുളം ജില്ലയിലെ മൂന്ന് പ്രധാന വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. വോട്ടെണ്ണൽ കേന്ദ്രങ്ങളായി നിശ്ചയിച്ചിട്ടുള്ള സ്ഥാപനങ്ങൾക്കാണ് നടപടിക്രമങ്ങൾ സുഗമമായി നടത്തുന്നതിനായി ജില്ലാ കളക്ടർ അവധി നൽകിയത്.

കളമശ്ശേരി കൊച്ചിൻ ശാസ്ത്ര സാങ്കേതിക സർവകലാശാല (CUSAT), ആലുവ യു.സി. കോളേജ്, കോതമംഗലം എം.എ. കോളേജ് എന്നീ സ്ഥാപനങ്ങൾക്കാണ് മെയ് 4-ന് അവധി ബാധകമാകുക. ഇതുസംബന്ധിച്ച ഔദ്യോഗിക ഉത്തരവ് ജില്ലാ കളക്ടറും ജില്ലാ ഇലക്ഷൻ ഓഫീസറുമായ ജി. പ്രിയങ്ക പുറപ്പെടുവിച്ചു.

തിരഞ്ഞെടുപ്പ് കമ്മീഷന്റെ നിർദ്ദേശപ്രകാരം ഈ കേന്ദ്രങ്ങളിൽ വോട്ടെണ്ണലിനായി വിപുലമായ സജ്ജീകരണങ്ങളാണ് ഒരുക്കിയിട്ടുള്ളത്. സുരക്ഷാ ക്രമീകരണങ്ങളുടെയും ഉദ്യോഗസ്ഥരുടെ പരിശീലനത്തിന്റെയും ഭാഗമായി വോട്ടെണ്ണൽ കേന്ദ്രങ്ങളിലെ ക്രമീകരണങ്ങൾ അവസാന ഘട്ടത്തിലാണ്. വോട്ടെണ്ണൽ ദിനത്തിൽ ഈ സ്ഥാപനങ്ങളിൽ നിയന്ത്രണങ്ങൾ ഉണ്ടായിരിക്കുമെന്നും കളക്ടറുടെ ഉത്തരവിൽ വ്യക്തമാക്കുന്നു.