ഹൈസ്കൂള് ടീച്ചര് അഭിമുഖം മേയ് 6 ന് ആലപ്പുഴ ജില്ലയിലെ പിഎസ്സി ഉദ്യോഗാർത്ഥികൾ ശ്രദ്ധിക്കുക
ആലപ്പുഴ ജില്ലയിലെ ഹൈസ്കൂള് ടീച്ചര് (നാച്ചുറല് സയന്സ്) തസ്തികയിലേക്കുള്ള മാറ്റിവെച്ച പി.എസ്.സി അഭിമുഖം മേയ് ആറിന് നടക്കും. കൂടുതൽ വിവരങ്ങൾ അറിയാം.
Rajeev 
ഹൈസ്കൂള് ടീച്ചര് (നാച്ചുറല് സയന്സ്) അഭിമുഖം മേയ് ആറിന്; ഉദ്യോഗാർത്ഥികൾ ശ്രദ്ധിക്കുക
ആലപ്പുഴ: ജില്ലയിലെ വിദ്യാഭ്യാസ വകുപ്പിൽ ഹൈസ്കൂള് ടീച്ചര് (നാച്ചുറല് സയന്സ് - മലയാളം മീഡിയം) തസ്തികയിലേക്കുള്ള അഭിമുഖത്തിന്റെ പുതുക്കിയ തീയതി കേരള പബ്ലിക് സര്വ്വീസ് കമ്മീഷന് പ്രഖ്യാപിച്ചു. ഫെബ്രുവരി 13-ന് നടത്താനിരുന്നതും സാങ്കേതിക കാരണങ്ങളാല് മാറ്റിവെച്ചതുമായ അഭിമുഖമാണ് ഇപ്പോൾ മേയ് ആറിന് നടത്തുവാൻ നിശ്ചയിച്ചിരിക്കുന്നത്.
രാവിലെ 9.30-നും ഉച്ചയ്ക്ക് 12.00-നുമായി പി.എസ്.സി ആലപ്പുഴ ജില്ലാ ഓഫീസിലാണ് അഭിമുഖം നടക്കുക. ഉദ്യോഗാർത്ഥികൾക്കുള്ള അറിയിപ്പ് അവരുടെ പി.എസ്.സി പ്രൊഫൈലിൽ ലഭ്യമാണ്. വ്യക്തിഗതമായി മെമ്മോ അയക്കില്ലാത്തതിനാൽ ഉദ്യോഗാർത്ഥികൾ പ്രൊഫൈൽ പരിശോധിച്ച് വിവരങ്ങൾ ഉറപ്പുവരുത്തണം.
ഹാജരാക്കേണ്ട രേഖകൾ:
അഭിമുഖത്തിന് എത്തുന്നവർ താഴെ പറയുന്ന രേഖകൾ സഹിതം നിശ്ചിത സമയത്ത് ഓഫീസിൽ നേരിട്ട് ഹാജരാകണം:
പൂരിപ്പിച്ച വ്യക്തിവിവരക്കുറിപ്പ്.
ഒ.റ്റി.ആർ (OTR) വെരിഫിക്കേഷന് സർട്ടിഫിക്കറ്റ്.
പുന:ക്രമീകരിച്ച തീയതിയിലെ അഡ്മിഷന് ടിക്കറ്റ്.
അസ്സല് തിരിച്ചറിയല് രേഖ.
പി.എസ്.സി വെബ്സൈറ്റിലെ ഇന്റര്വ്യൂ ഷെഡ്യൂള്, അനൗണ്സ്മെന്റ് ലിങ്കുകള് എന്നിവ കൃത്യമായി പരിശോധിക്കാൻ ഉദ്യോഗാർത്ഥികൾ ശ്രദ്ധിക്കണം. പ്രൊഫൈലിൽ അറിയിപ്പ് ലഭിക്കാത്തവർ പി.എസ്.സി ആലപ്പുഴ ജില്ലാ ഓഫീസുമായി നേരിട്ട് ബന്ധപ്പെടേണ്ടതാണ്.
കൂടുതൽ വിവരങ്ങൾക്ക്: 0477-2264134.
