പൃഥ്വിരാജും പാർവ്വതിയും വീണ്ടും ഒന്നിക്കുന്നു നിസാം ബഷീർ ചിത്രം ഐ, നോബഡി ടീസർ പുറത്തിറങ്ങി
റോഷാക്കിന് ശേഷം നിസാം ബഷീർ സംവിധാനം ചെയ്യുന്ന പൃഥ്വിരാജ് പാർവ്വതി ചിത്രം ഐ, നോബഡി യുടെ ഒഫീഷ്യൽ ടീസർ പുറത്തിറങ്ങി. പൃഥ്വിരാജ് പ്രൊഡക്ഷൻസും ഇ ഫോർ എക്സ്പെരിമെന്റ്സും ചേർന്നാണ് ചിത്രം നിർമ്മിക്കുന്നത്.
A S Dinesh 
കൊച്ചി: മലയാള സിനിമയിലെ ശ്രദ്ധേയരായ താരങ്ങളായ പൃഥ്വിരാജ് സുകുമാരനും പാർവ്വതി തിരുവോത്തും പ്രധാന വേഷങ്ങളിലെത്തുന്ന 'ഐ, നോബഡി' (I, Nobody) എന്ന ചിത്രത്തിന്റെ ഒഫീഷ്യൽ ടീസർ പുറത്തിറങ്ങി. 'കെട്ട്യോളാണ് എന്റെ മാലാഖ', 'റോഷാക്ക്' എന്നീ സൂപ്പർഹിറ്റ് ചിത്രങ്ങൾക്ക് ശേഷം നിസാം ബഷീർ സംവിധാനം ചെയ്യുന്ന ഈ ചിത്രം ഏറെ പ്രതീക്ഷയോടെയാണ് സിനിമാ ലോകം കാത്തിരിക്കുന്നത്.
പൃഥ്വിരാജ് പ്രൊഡക്ഷൻസ്, ഇ ഫോർ എക്സ്പെരിമെന്റ്സ് എന്നീ ബാനറുകളിൽ സുപ്രിയ മേനോൻ, മുകേഷ് ആർ മേത്ത, സി.വി. സാരഥി എന്നിവർ ചേർന്നാണ് ചിത്രം നിർമ്മിക്കുന്നത്. 'റോഷാക്കി'ന് ശേഷം സമീർ അബ്ദുൾ തിരക്കഥയും സംഭാഷണവുമൊരുക്കുന്ന ചിത്രം എന്ന പ്രത്യേകതയും ഇതിനുണ്ട്.
അശോകൻ, മധുപാൽ, വിനയ് ഫോർട്ട്, ഹക്കിം ഷാജഹാൻ, ലുക്മാൻ ആവറാൻ, ഗണപതി തുടങ്ങിയ വൻ താരനിര തന്നെ ചിത്രത്തിൽ അണിനിരക്കുന്നുണ്ട്. ദിനേശ് പുരുഷോത്തമൻ ഛായാഗ്രഹണം നിർവ്വഹിക്കുന്ന ചിത്രത്തിന്റെ എഡിറ്റിംഗ് റെമീസ് എംബി ആണ്.
അണിയറ പ്രവർത്തകർ:
പ്രൊഡക്ഷൻ ഡിസൈൻ: അർഷാദ് നക്കോത്ത്
വസ്ത്രാലങ്കാരം: ധന്യ ബാലകൃഷ്ണൻ
മേക്കപ്പ്: റോണെക്സ് സേവ്യർ
ആക്ഷൻ: കലൈ കിംഗ്സൺ
സൗണ്ട് ഡിസൈൻ: നിക്സൺ ജോർജ്ജ്
എക്സിക്യൂട്ടീവ് പ്രൊഡ്യൂസർ: ഹാരിസ് ദേശം
വ്യത്യസ്തമായ മേക്കിംഗും പ്രമേയവും കൊണ്ട് ശ്രദ്ധേയമായ നിസാം ബഷീർ ചിത്രങ്ങളിൽ നിന്നും മറ്റൊരത്ഭുതം കൂടി ആരാധകർ 'ഐ, നോബഡി'യിലൂടെ പ്രതീക്ഷിക്കുന്നുണ്ട്.
