സൂര്യ ചിത്രം കറുപ്പ് മെയ് 14 ന് റിലീസ് ചെയ്യും ട്രെയിലർ പുറത്തിറങ്ങി കേരളത്തിൽ അഡ്വാൻസ് ബുക്കിംഗ് ഇന്ന് രാത്രി മുതൽ
റിലീസിന് മുന്നോടിയായി മേയ് 12 ന് വൈകിട്ട് 6 മണിക്ക് തിരുവനന്തപുരം നിശാഗന്ധിയിൽ വെച്ച് നടക്കുന്ന പ്രീ റിലീസ് ഇവന്റിൽ സൂര്യയും മറ്റ് അണിയറ പ്രവർത്തകരും പങ്കെടുക്കും.
Pratheesh Sekhar 
രണ്ട് പതിറ്റാണ്ടുകൾക്ക് ശേഷം സൂര്യ-തൃഷ കൂട്ടുകെട്ട്; ആവേശം നിറച്ച് 'കറുപ്പ്' ട്രെയിലർ പുറത്തിറങ്ങി
കൊച്ചി: തെന്നിന്ത്യൻ സൂപ്പർ താരം സൂര്യയുടെ വമ്പൻ തിരിച്ചുവരവിന് സാക്ഷ്യം വഹിക്കാൻ ഒരുങ്ങി സിനിമാ ലോകം. ആരാധകർ ഏറെ ആകാംക്ഷയോടെ കാത്തിരുന്ന 'കറുപ്പ്' എന്ന ചിത്രത്തിന്റെ ആവേശമുണർത്തുന്ന ട്രെയിലർ പുറത്തിറങ്ങി. ആർ.ജെ. ബാലാജി സംവിധാനം ചെയ്യുന്ന ഈ മാസ് ആക്ഷൻ എന്റർടൈനർ വരുന്നത് മേയ് 14 വ്യാഴാഴ്ചയാണ് ലോകവ്യാപകമായി തിയേറ്ററുകളിൽ എത്തുന്നത്.
രണ്ട് പതിറ്റാണ്ടുകൾക്ക് ശേഷം സൂര്യയും തൃഷയും വീണ്ടും ഒന്നിക്കുന്നു എന്നതാണ് ഈ ചിത്രത്തിന്റെ ഏറ്റവും വലിയ പ്രത്യേകത. തികച്ചും വ്യത്യസ്തമായ ഗെറ്റപ്പുകളിലാണ് ഇരുവരും ചിത്രത്തിൽ പ്രത്യക്ഷപ്പെടുന്നത്. മാസ്സ് ഘടകങ്ങൾക്കും ആക്ഷനും മുൻഗണന നൽകുന്ന ചിത്രം പ്രേക്ഷകർക്ക് ഒരു തിയേറ്റർ വിരുന്നായിരിക്കുമെന്ന് ട്രെയിലർ ഉറപ്പുനൽകുന്നു.
കേരളത്തിലെ ആരാധകർക്കായി ചിത്രത്തിന്റെ അഡ്വാൻസ് ബുക്കിംഗ് ഇന്ന് രാത്രി 9 മണി മുതൽ ആരംഭിക്കും. ഐ.എം.പി ഫിലിംസാണ് ചിത്രം കേരളത്തിലെ തിയേറ്ററുകളിൽ എത്തിക്കുന്നത്. റിലീസിന് മുന്നോടിയായി മേയ് 12-ന് വൈകിട്ട് 6 മണിക്ക് തിരുവനന്തപുരം നിശാഗന്ധിയിൽ വെച്ച് നടക്കുന്ന പ്രീ-റിലീസ് ഇവന്റിൽ സൂര്യയും മറ്റ് അണിയറ പ്രവർത്തകരും പങ്കെടുക്കും.
യുവ സംഗീത പ്രതിഭ സായ് അഭ്യാങ്കറാണ് ചിത്രത്തിന് സംഗീതം നൽകുന്നത്. ഇന്ദ്രൻസ്, നാട്ടി, സ്വാസിക, അനഘ മായ രവി, ശിവദ, സുപ്രീത് റെഡ്ഡി തുടങ്ങിയ വൻ താരനിര തന്നെ ചിത്രത്തിൽ അണിനിരക്കുന്നുണ്ട്.
