പെരുമ്പാവൂരിൽ തലയിണ കമ്പനി തീയിട്ടു 17 ലക്ഷത്തിന്റെ നഷ്ടം, പ്രതി പിടിയിൽ.
പെരുമ്പാവൂർ മുടിക്കലിൽ ബിസിനസ് വൈരാഗ്യത്തെത്തുടർന്ന് തലയിണ കമ്പനി തീയിട്ട് നശിപ്പിച്ച കേസിൽ സിദ്ദിഖ് എന്നയാളെ പെരുമ്പാവൂർ പോലീസ് അറസ്റ്റ് ചെയ്തു.
പെരുമ്പാവൂരിൽ തലയിണ കമ്പനി തീയിട്ട് നശിപ്പിച്ചു; വ്യവസായ വൈരാഗ്യം മൂലം അയൽവാസി പിടിയിൽ
പെരുമ്പാവൂർ: ബിസിനസ്സ് വൈരാഗ്യത്തെത്തുടർന്ന് മുടിക്കലിലെ തലയിണ നിർമ്മാണ യൂണിറ്റ് തീയിട്ട് നശിപ്പിച്ച കേസിലെ പ്രതിയെ പോലീസ് അറസ്റ്റ് ചെയ്തു. മുടിക്കൽ എല്ലുംവിളയിൽ വീട്ടിൽ സിദ്ദിഖ് (39) ആണ് പെരുമ്പാവൂർ പോലീസിന്റെ പിടിയിലായത്. മാർച്ച് 21-നായിരുന്നു നാടിനെ നടുക്കിയ സംഭവം നടന്നത്.
മുടിക്കൽ മൗലൂദ് പുരയ്ക്ക് സമീപം പ്രവർത്തിക്കുന്ന തലയിണ കമ്പനിയാണ് സിദ്ദിഖ് തീയിട്ടത്. തന്റെ സ്ഥാപനത്തേക്കാൾ മികച്ച രീതിയിൽ അയൽപക്കത്തെ കമ്പനി ലാഭത്തിൽ പ്രവർത്തിക്കുന്നതിലുള്ള വിരോധമാണ് ഈ കടുംകൈ ചെയ്യാൻ പ്രേരിപ്പിച്ചതെന്ന് പ്രതി പോലീസിനോട് സമ്മതിച്ചു. ഏകദേശം 17 ലക്ഷം രൂപയുടെ നാശനഷ്ടമാണ് തീപിടുത്തത്തിൽ ഉണ്ടായതായി കണക്കാക്കുന്നത്.
കൃത്യം നടത്തുന്നതിനായി സിദ്ദിഖ് മുൻകൂട്ടി പദ്ധതി തയ്യാറാക്കിയിരുന്നു. സ്വന്തം ഇരുചക്രവാഹനം കേടാണെന്ന് കളവ് പറഞ്ഞ് അയൽവാസിയിൽ നിന്നും ബൈക്ക് കടം വാങ്ങിയാണ് ഇയാൾ കമ്പനി കത്തിക്കാൻ എത്തിയത്. പോലീസ് നടത്തിയ ശാസ്ത്രീയ അന്വേഷണത്തിലും സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ പരിശോധനയിലുമാണ് പ്രതി കുടുങ്ങിയത്.
റൂറൽ ജില്ലാ പോലീസ് മേധാവി കെ.എസ്. സുദർശന്റെ നിർദ്ദേശപ്രകാരം പെരുമ്പാവൂർ എ.എസ്.പി ഹർദ്ദിക് മീണയുടെ നേതൃത്വത്തിലാണ് അന്വേഷണം നടന്നത്. ഇൻസ്പെക്ടർ എൽ. അനിൽകുമാർ, എസ്.ഐമാരായ പ്രവീൺ പ്രകാശ്, ജോജോ ജോർജ്, എസ്.എൽ. അർജുൻ, അബ്ദുൾ ജലീൽ എന്നിവരടങ്ങുന്ന സംഘമാണ് പ്രതിയെ വലയിലാക്കിയത്.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
