തിരുവല്ലയിൽ സ്പാ ജീവനക്കാരിയെ കൂട്ടബലാത്സംഗം ചെയ്തു കാപ്പാ കേസ് പ്രതി അറസ്റ്റിൽ
തിരുവല്ലയിൽ ഗുണ്ടാ പിരിവ് നൽകാത്തതിനെ തുടർന്ന് സ്പാ ജീവനക്കാരിയെ കൂട്ടബലാത്സംഗം ചെയ്തു. കാപ്പാ കേസ് പ്രതി മരണ സുബിൻ അടക്കം നാലുപേർ പിടിയിൽ.
Angel Varghese 
തിരുവല്ലയിൽ സ്പാ ജീവനക്കാരിക്ക് നേരെ ഗുണ്ടാസംഘത്തിന്റെ കൂട്ടബലാത്സംഗം; കാപ്പാ കേസ് പ്രതിയടക്കം നാലുപേർ പിടിയിൽ
തിരുവല്ല: ഗുണ്ടാ പിരിവ് നൽകാത്തതിനെ തുടർന്ന് തിരുവല്ലയിൽ സ്പാ ജീവനക്കാരിയെ ഗുണ്ടാസംഘം കൂട്ടബലാത്സംഗം ചെയ്തു. കാപ്പാ കേസ് പ്രതിയുടെ നേതൃത്വത്തിലുള്ള ആറംഗ സംഘമാണ് അതിക്രമം നടത്തിയത്. സംഭവത്തിൽ 'മരണ സുബിൻ' എന്ന് വിളിക്കപ്പെടുന്ന സുബിൻ അലക്സാണ്ടർ ഉൾപ്പെടെ നാലുപേരെ പോലീസ് അറസ്റ്റ് ചെയ്തു. ഒളിവിലുള്ള മറ്റ് മൂന്ന് പ്രതികൾക്കായി തിരച്ചിൽ ഊർജ്ജിതമാക്കി.
ഫെബ്രുവരി ഒന്നാം തീയതി ഉച്ചയോടെയാണ് നാടിനെ നടുക്കിയ സംഭവം നടന്നത്. സ്പായിലെത്തിയ പ്രതികൾ 50,000 രൂപ ഗുണ്ടാ പിരിവായി ആവശ്യപ്പെട്ടു. എന്നാൽ തൃശൂർ സ്വദേശിയായ ഉടമ 10,000 രൂപ നൽകാമെന്ന് അറിയിച്ചെങ്കിലും പ്രതികൾ ഇത് നിരസിക്കുകയും ഭീഷണിപ്പെടുത്തുകയുമായിരുന്നു. തുടർന്ന് റിസപ്ഷനിലുണ്ടായിരുന്ന രണ്ട് യുവതികളിൽ ഒരാളെ സംഘം ബലമായി മുറിയിലേക്ക് വലിച്ചിഴച്ചുകൊണ്ടുപോയി പീഡിപ്പിക്കുകയായിരുന്നു.
പീഡന ദൃശ്യങ്ങൾ പ്രതികൾ മൊബൈൽ ഫോണിൽ പകർത്തിയതായും പരാതിയിലുണ്ട്. ഈ ദൃശ്യങ്ങൾ കാട്ടി യുവതിയെ വീണ്ടും ഭീഷണിപ്പെടുത്തിയതായും വിവരമുണ്ട്. കേസിൽ ആകെ ആറ് പ്രതികളാണുള്ളത്. അറസ്റ്റിലായവർക്കെതിരെ ബലാത്സംഗം, ഭീഷണിപ്പെടുത്തൽ തുടങ്ങിയ വകുപ്പുകൾ പ്രകാരം കേസെടുത്തു.
