സാനിറ്ററി മാലിന്യ ശേഖരണം വിപുലീകരിച്ച് തൊടുപുഴ നഗരസഭ 
എൺപത്തിയഞ്ച് നാടൻ വിഭവങ്ങളുമായി വിദ്യാർത്ഥികളും അധ്യാപകരും 
ജപ്പാനില് ട്രെയിനിടിച്ച് മരിച്ച മലയാളി യുവതി ദേവികയുടെ ചിതാഭസ്മം നാട്ടിലെത്തിച്ചു 
കരാറുകാരന്റെ വീഴ്ച, വീണ്ടും ടെണ്ടർ കുറ്റിപ്പാല ഫ്ലാറ്റിന്റെ നിർമ്മാണത്തിന് പുതിയ ജീവൻ 
പ്രിയദർശിനി ബസിനുള്ള ഫണ്ട് കൈമാറി പാറക്കൽ അബ്ദുല്ല എം. എൽ. എ. 
നവരാത്രി സർഗ്ഗോത്സവം 2026 ഉപരാഷ്ട്രപതി സി. പി. രാധാകൃഷ്ണൻ ഉദ്ഘാടനം ചെയ്തു ശബരിമല സ്വർണക്കൊള്ള കേസ് പങ്കജ് ഭണ്ഡാരിയുടെ ഹർജി ഹൈക്കോടതി തള്ളി
ശബരിമല സ്വർണപ്പാളി കേസിൽ പ്രതിപ്പട്ടികയിൽ നിന്ന് ഒഴിവാക്കണമെന്നാവശ്യപ്പെട്ട് ചെന്നൈ സ്മാർട്ട് ക്രിയേഷൻസ് സിഇഒ പങ്കജ് ഭണ്ഡാരി നൽകിയ ഹർജി ഹൈക്കോടതി തള്ളി. കേസിൽ ഭണ്ഡാരിക്ക് മുഖ്യപങ്കുണ്ടെന്ന എസ്.ഐ.ടിയുടെ വാദം കോടതി അംഗീകരിച്ചു
Angel Varghese 
ശബരിമല സ്വർണക്കൊള്ള കേസ്: പങ്കജ് ഭണ്ഡാരിയുടെ ഹർജി ഹൈക്കോടതി തള്ളി; തിരിച്ചടി നേരിട്ട് സ്മാർട്ട് ക്രിയേഷൻസ് സിഇഒ
കൊച്ചി: ശബരിമല സ്വർണക്കൊള്ള കേസിൽ പ്രതിപ്പട്ടികയിൽ ഉൾപ്പെടുത്തിയതിനെതിരെ ചെന്നൈയിലെ സ്മാർട്ട് ക്രിയേഷൻസ് സിഇഒ പങ്കജ് ഭണ്ഡാരി സമർപ്പിച്ച ഹർജി ഹൈക്കോടതി തള്ളി. ജസ്റ്റിസ് എ. ബദറുദീന്റേതാണ് വിധി. കേസിൽ പങ്കജ് ഭണ്ഡാരിക്ക് കൃത്യമായ പങ്കുണ്ടെന്ന പ്രത്യേക അന്വേഷണ സംഘത്തിന്റെ (SIT) വാദം കോടതി അംഗീകരിച്ചു.
ദ്വാരപാലക സ്വർണപ്പാളി കേസിൽ ഒമ്പതാം പ്രതിയും കട്ടിളപ്പാളി കേസിൽ പന്ത്രണ്ടാം പ്രതിയുമാണ് ഭണ്ഡാരി. 2019 മുതൽ ശബരിമലയിൽ നിന്ന് സ്വർണം പൂശാനായി പാളികൾ എത്തിച്ചിരുന്നത് ചെന്നൈയിലെ ഭണ്ഡാരിയുടെ ഉടമസ്ഥതയിലുള്ള സ്ഥാപനത്തിലായിരുന്നു.
പങ്കജ് ഭണ്ഡാരിയുടെ വാദങ്ങൾ:
തനിക്ക് കുറ്റകൃത്യത്തിൽ പങ്കില്ലെന്നും തന്നെ അറസ്റ്റ് ചെയ്തത് നിയമവിരുദ്ധമാണെന്നും ഭണ്ഡാരി വാദിച്ചു.
ആറു തവണ എസ്ഐടിക്കു മുമ്പാകെ ഹാജരായി ആവശ്യപ്പെട്ട രേഖകളെല്ലാം നൽകിയതായും അദ്ദേഹം കോടതിയെ അറിയിച്ചു.
സ്മാർട്ട് ക്രിയേഷൻസിൽ നിന്ന് എസ്ഐടി കണ്ടെത്തിയ 109.234 ഗ്രാം സ്വർണം താൻ സ്വമേധയാ കൈമാറിയതാണെന്നും അന്വേഷണവുമായി സഹകരിക്കുന്നുണ്ടെന്നും പ്രതിഭാഗം വാദിച്ചു.
അന്വേഷണ സംഘത്തിന്റെ നിലപാട്:
എന്നാൽ, കേസിൽ ഭണ്ഡാരിക്ക് മുഖ്യപങ്കുണ്ടെന്നും അതുകൊണ്ട് തന്നെ ജാമ്യം നൽകരുതെന്നുമായിരുന്നു പ്രത്യേക അന്വേഷണ സംഘത്തിന്റെ നിലപാട്. ഈ വാദങ്ങൾ മുഖവിലയ്ക്കെടുത്താണ് കോടതി ഹർജി തള്ളിയത്. ഈ വിധി അന്വേഷണ സംഘത്തിന് വലിയ വിജയമായാണ് വിലയിരുത്തപ്പെടുന്നത്.
