ഹലോവീൻ പാർട്ടിക്കിടെ പതിനഞ്ചുകാരിക്ക് നേരെ അതിക്രമം 20 കാരൻ പോലീസിന്റെ പിടിയിൽ

ആലുവ വെളിയത്തുനാട ഫാം റിസോർട്ടിൽ നടന്ന ഹലോവീൻ പാർട്ടിക്കിടെ 15 കാരിയെ ലൈംഗികമായി ഉപദ്രവിച്ച കേസിൽ കോട്ടയം സ്വദേശി അലക്‌സിനെ (20) ആലുവ പോലീസ് അറസ്റ്റ് ചെയ്തു.

ഹലോവീൻ പാർട്ടിക്കിടെ പതിനഞ്ചുകാരിക്ക് നേരെ അതിക്രമം 20 കാരൻ പോലീസിന്റെ പിടിയിൽ
അലക്സ്

ആലുവയിൽ ഹലോവീൻ പാർട്ടിക്കിടെ പതിനഞ്ചുകാരിക്ക് നേരെ ലൈംഗികാതിക്രമം; കോട്ടയം സ്വദേശിയായ യുവാവ് അറസ്റ്റിൽ

​ആലുവ: പതിനഞ്ചുകാരിയെ ലൈംഗികമായി ഉപദ്രവിച്ച കേസിൽ 20-കാരൻ പോലീസിന്റെ പിടിയിലായി. കോട്ടയം പെരുന്ന കരിപ്പമറ്റം സ്വദേശി അലക്‌സ് (20) നെയാണ് ആലുവ പോലീസ് അറസ്റ്റ് ചെയ്തത്.

​കഴിഞ്ഞ ഒക്ടോബർ 31-ന് ആലുവ വെളിയത്തുനാട് ഭാഗത്തുള്ള റിസോർട്ടിൽ സംഘടിപ്പിച്ച ഹലോവീൻ പാർട്ടിക്കിടെയാണ് സംഭവം. പാർട്ടിയിൽ പങ്കെടുത്ത പെൺകുട്ടിയെ പ്രതി ലൈംഗികമായി ഉപദ്രവിക്കുകയായിരുന്നു. പെൺകുട്ടിയുടെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത പോലീസ് പ്രതിയെ കസ്റ്റഡിയിലെടുക്കുകയായിരുന്നു.

​ആലുവ ഇൻസ്പെക്ടർ പി.എം. ഷമീറിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് പ്രതിയെ അറസ്റ്റ് ചെയ്തത്. സംഭവത്തിൽ കൂടുതൽ പേർക്ക് പങ്കുണ്ടോ എന്നതുൾപ്പെടെയുള്ള കാര്യങ്ങൾ പോലീസ് അന്വേഷിച്ചു വരികയാണ്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.