സുനാമി പ്രതിരോധത്തിന് സജ്ജമായി വെളിയംകോട് തീരം മാതൃകയായി മോക് ഡ്രില് 
വീട്ടിൽനിന്ന് വൻ വിദേശമദ്യ ശേഖരംറിപ്പോർട്ടർ ടിവി ഉടമ ആന്റോ അഗസ്റ്റിൻ അറസ്റ്റിൽ 
എന്ന വിലൈ ഇന്ന് മുതൽ തിയേറ്ററുകളിൽ നിമിഷ സജയൻ സജീവ് പാഴൂർ ചിത്രം കേരളത്തിൽ വേഫെറർ ഫിലിംസ് എത്തിക്കുന്നു 
ഇറ്റ്സ് എ മെഡിക്കൽ മിറക്കിൾ അഡ്വാൻസ് ബുക്കിംഗ് ആരംഭിച്ചു ചിത്രം സെപ്റ്റംബർ 18 ന് തിയേറ്ററുകളിലേക്ക് 
വെള്ള, നീല കാര്ഡിന് അരി വിഹിതം വര്ധിപ്പിക്കല് പരിഗണനയില് മന്ത്രി അനൂപ് ജേക്കബ് 
കോയമ്പത്തൂരിൽ നിന്ന് നെടുമ്പാശ്ശേരി വരെ ഓടിയത് നമ്പർ പ്ലേറ്റില്ലാതെ ഒടുവിൽ ആർ.ടി.ഒ സ്ക്വാഡിന്റെ വലയിൽ വീട്ടിൽനിന്ന് വൻ വിദേശമദ്യ ശേഖരംറിപ്പോർട്ടർ ടിവി ഉടമ ആന്റോ അഗസ്റ്റിൻ അറസ്റ്റിൽ
മെസ്സി തട്ടിപ്പ് കേസ് അന്വേഷണത്തിന്റെ ഭാഗമായി വയനാട്ടിലെ വീട്ടിൽ നടത്തിയ റെയ്ഡിൽ 43 ലീറ്റർ വിദേശമദ്യവും 22 ലീറ്റർ വൈനും കണ്ടെത്തിയതിനെ തുടർന്ന് റിപ്പോർട്ടർ ടിവി ഉടമ ആന്റോ അഗസ്റ്റിനെ എക്സൈസ് അറസ്റ്റ് ചെയ്തു.
Angel Varghese 
വീട്ടിൽനിന്ന് വൻ വിദേശമദ്യ ശേഖരം കണ്ടെത്തി: റിപ്പോർട്ടർ ടിവി ഉടമ ആന്റോ അഗസ്റ്റിൻ അറസ്റ്റിൽ; വി.ഡി. സതീശനെതിരായ വ്യാജ കേസിലും നടപടി
കൊച്ചി: വയനാട് വാഴവറ്റയിലെ വീട്ടിൽനിന്ന് വൻതോതിൽ വിദേശമദ്യവും വൈനും കണ്ടെത്തിയ സംഭവത്തിൽ റിപ്പോർട്ടർ ടിവി ഉടമ ആന്റോ അഗസ്റ്റിനെ എക്സൈസ് അറസ്റ്റ് ചെയ്തു. വീട്ടിൽ നടത്തിയ പരിശോധനയിൽ നിയമപരമായി സൂക്ഷിക്കാവുന്നതിലും വളരെ വലിയ അളവിലുള്ള 43 ലീറ്റർ വിദേശമദ്യവും 22 ലീറ്റർ വൈനുമാണ് എക്സൈസ് സംഘം പിടിച്ചെടുത്തത്.
ലയണൽ മെസ്സിയെയും അർജന്റീന ഫുട്ബോൾ ടീമിനെയും കേരളത്തിലെത്തിക്കാമെന്ന് വാഗ്ദാനം ചെയ്ത് നടത്തിയ സാമ്പത്തിക ക്രമക്കേടുകളുമായി ബന്ധപ്പെട്ട് പ്രത്യേക അന്വേഷണ സംഘം (SIT) നടത്തിയ റെയ്ഡിനിടെയാണ് മദ്യശേഖരം കണ്ടെത്തിയത്. കളമശ്ശേരി പൊലീസിന്റെ പരിശോധനാ വാറന്റുമായി ഇന്നലെ പുലർച്ചെ 5.45-നാണ് എസ്.ഐ.ടി അന്വേഷണം ആരംഭിച്ചത്. കളമശ്ശേരിയിലെ റിപ്പോർട്ടർ ടിവി ഓഫീസ്, 'ഗോട്ട് ആഡ്' സ്ഥാപനം, ആന്റോ അഗസ്റ്റിന്റെ കാക്കനാട്ടെ ഫ്ലാറ്റുകൾ, വയനാട്ടിലെ കുടുംബവീട് എന്നിവിടങ്ങളിലടക്കം അഞ്ചിടങ്ങളിലായിരുന്നു പരിശോധന.
പരിശോധനയിൽ 6400 യു.എസ് ഡോളർ, യു.എ.ഇ, ഘാന, കോംഗോ തുടങ്ങിയ രാജ്യങ്ങളിലെ കറൻസികൾ, വിദേശ ക്രെഡിറ്റ് കാർഡുകൾ, ലാപ്ടോപ്പ്, മൊബൈൽ ഫോണുകൾ, പ്രധാന രേഖകൾ എന്നിവ പിടിച്ചെടുത്തു. വൈദ്യപരിശോധനയ്ക്ക് ശേഷം ആന്റോയെ വയനാട് ബത്തേരി കോടതിയിൽ ഹാജരാക്കും. എന്നാൽ, താൻ മദ്യപിക്കുന്ന ആളല്ലെന്നും എക്സൈസ് കേസിൽ തനിക്ക് ബന്ധമില്ലെന്നും മെസ്സി കേസുമായി ബന്ധപ്പെട്ട രേഖകൾ പൊലീസിന് നൽകിയിട്ടുണ്ടെന്നും ആന്റോ അഗസ്റ്റിൻ പ്രതികരിച്ചു.
വി.ഡി. സതീശനെതിരായ വ്യാജ ആരോപണത്തിലും കേസ്
മുഖ്യമന്ത്രി വി.ഡി. സതീശനെതിരായ വ്യാജ വിവാഹ ആരോപണ പ്രചാരണത്തിൽ ആന്റോ അഗസ്റ്റിനെ ഒന്നാം പ്രതിയാക്കി തിരുവനന്തപുരം സൈബർ പൊലീസ് എഫ്.ഐ.ആർ രജിസ്റ്റർ ചെയ്തു. കോൺഗ്രസ് നേതാവ് രാജു പി. നായരുടെ പരാതിയിൽ രജിസ്റ്റർ ചെയ്ത കേസ് പിന്നീട് കളമശ്ശേരി പൊലീസിന് കൈമാറി. ഈ കേസിലും ആന്റോയെ ഉടൻ ചോദ്യം ചെയ്യും.
അതേസമയം, നിയമപരമായ നടപടികളുടെ ഭാഗമായാണ് ചാനൽ ഓഫീസിലും മറ്റും റെയ്ഡ് നടന്നതെന്നും അന്വേഷണത്തിൽ സർക്കാർ ഇടപെടലില്ലെന്നും വി.ഡി. സതീശൻ പ്രതികരിച്ചു.
