കഞ്ഞിക്കുഴിയിൽ തെങ്ങ് കർഷകർക്ക് കൈത്താങ്ങായി സൗജന്യ വളം വിതരണം പദ്ധതിക്ക് തുടക്കമായി
കഞ്ഞിക്കുഴി പഞ്ചായത്തിലെ തെങ്ങ് കർഷകർക്കായി നാളികേര വികസന ബോർഡിന്റെ സഹകരണത്തോടെ സൗജന്യ വളം വിതരണം ആരംഭിച്ചു. എല്ലുപൊടി, വേപ്പിൻ പിണാക്ക്, കുമ്മായം എന്നിവയാണ് വിതരണം ചെയ്യുന്നത്.
Rajeev
8
കഞ്ഞിക്കുഴിയിൽ തെങ്ങ് കർഷകർക്ക് ആശ്വാസം: സൗജന്യ വളം വിതരണത്തിന് തുടക്കമായി
കഞ്ഞിക്കുഴി: നാളികേര വികസന ബോർഡും കഞ്ഞിക്കുഴി പഞ്ചായത്ത് കൃഷിഭവനും സംയുക്തമായി നടപ്പിലാക്കുന്ന തെങ്ങ് കർഷകർക്കുള്ള സൗജന്യ വളം വിതരണ പദ്ധതിക്ക് തുടക്കമായി. പഞ്ചായത്തിലെ 14-ാം വാർഡിൽ നടന്ന ചടങ്ങിൽ ജില്ലാ പഞ്ചായത്ത് ആരോഗ്യ, വിദ്യാഭ്യാസ സ്ഥിരംസമിതി അധ്യക്ഷൻ എസ്. രാധാകൃഷ്ണൻ പദ്ധതിയുടെ ഉദ്ഘാടനം നിർവഹിച്ചു.
തെങ്ങുകളുടെ ഉൽപ്പാദനക്ഷമത വർദ്ധിപ്പിക്കുക എന്ന ലക്ഷ്യത്തോടെ എല്ലുപൊടി, വേപ്പിൻ പിണാക്ക്, കുമ്മായം എന്നീ മൂന്നിനം വളങ്ങളാണ് കർഷകർക്ക് നൽകുന്നത്. ആദ്യ ഘട്ടത്തിൽ പഞ്ചായത്തിലെ മുഴുവൻ പട്ടികജാതി കുടുംബങ്ങൾക്കും വളം വിതരണം ചെയ്യും. രണ്ടാം ഘട്ടത്തിൽ മറ്റ് കർഷകരിലേക്കും പദ്ധതി വ്യാപിപ്പിക്കാനാണ് കൃഷിഭവൻ ലക്ഷ്യമിടുന്നത്. പഞ്ചായത്തിലാകെ പന്ത്രണ്ടായിരത്തിലധികം തെങ്ങുകൾക്ക് ഈ ആനുകൂല്യം ലഭിക്കും.
പഞ്ചായത്ത് പ്രസിഡന്റ് അഡ്വ. എം. സന്തോഷ്കുമാർ അധ്യക്ഷനായ ചടങ്ങിൽ കൃഷി ഓഫീസർ റോസ്മി ജോർജ് പദ്ധതിയെക്കുറിച്ച് വിശദീകരിച്ചു. വിവിധ സ്ഥിരംസമിതി അധ്യക്ഷരായ ആർ. അശ്വിൻ, ജി. മുരളി, കെ. വി. വിജിമോൾ, പഞ്ചായത്തംഗങ്ങളായ പി. ടി. ശശിധരൻ, സജിത ബൈജു, പി. മുരളി, കർമ്മസേന കൺവീനർ ജി. ഉദയപ്പൻ തുടങ്ങിയവർ ചടങ്ങിൽ സംബന്ധിച്ചു.
